![](https://www.indiaherald.com/cdn-cgi/image/width=750/imagestore/images/movies/movies_gossips/socialstars-lifestyle12ade62d-6037-437b-8c29-937b4a863daa-415x250.jpg)
విచారణలో భాగంగా ఇలియానాతో పాటు ఆమె కుటుంబ సభ్యులను ప్రశ్నిస్తాడు. ఈ సమయంలో ఆమెను ఇష్టపడుతాడు. అప్పుడు ఈ సోషల్ కామెడీ మూవీలో రొమాంటిక్ ట్విస్ట్ మొదలవుతుంది. మొత్తంగా సామాజిక అంశాలకు కామెడీని జతచేసి దర్శకుడు కథ నడిపిన విధానం ఆకట్టుకుంటుంది. ఈ ట్రైలర్ సినిమాపై భారీగా అంచనాలు పెంచుతోంది. పనిలో పనిగా ట్రైలర్లో ఓ డిస్క్లెయిమర్ ను యాడ్ చేశారు మేకర్స్. "భారత రాజ్యాంగం మతం, జాతి, కులం, లింగం లేదా జన్మస్థలం ఆధారంగా వివక్షను నిషేధిస్తుంది. ఇది కేవలం కల్పిత చిత్రం. చర్మం రంగు, వరకట్నం అనేది ఒక సామాజిక దురాచారం. ఈ సినిమాతో సంబంధం ఉన్న ఏ వ్యక్తి కూడా వరకట్న ఆచారాన్ని ఆమోదించరు” అని ప్రకటించారు.‘తేరా క్యా హోగా లవ్లీ’ మూవీ నవంబర్ 2022లో గోవాలో జరిగిన ఇంటర్నేషనల్ ఫిల్మ్ ఫెస్టివల్ ఆఫ్ ఇండియా లో ప్రదర్శించారు. అప్పటి నుంచి ఈ సినిమా కోసం ఆడియెన్స్ ఎదురు చూస్తున్నారు. ఎట్టకేలకు ఈ చిత్రం అంతర్జాతీయ మహిళా దినోత్సవం సందర్భంగా వచ్చే నెల మార్చి 8న థియేటర్లలో విడుదల కానుంది. రణదీప్ హుడా, ఇలియానా డి'క్రూజ్ నటించిన ఈ చిత్రంలో కరణ్ కుంద్రా, గీతా అగర్వాల్ శర్మ, గీతిక విద్యా ఓహ్లియన్, పవన్ మల్హోత్రా ఇతర పాత్రలు పోషించారు. అనిల్ రోధన్, కునాల్ మండేకర్ ఈ సినిమాకు కథను అందించారు. ఈ మూవీని సోనీ పిక్చర్స్ ఇంటర్నేషనల్ ప్రొడక్షన్స్, మూవీ టన్నెల్ ప్రొడక్షన్స్ సంయుక్తంగా నిర్మించాయి.