ఉస్మానియా విశ్వవిద్యాలయంలో గ్రాడ్యుయేట్ అయిన సోహెల్ కు చిన్నతనం నుంచి సినిమాలు అంటే విపరీతమైన ఆసక్తి. ఆ ఆసక్తితోనే చదువు అనంతరం ఇండస్ట్రీ వైపు అడుగులు వేశాడు. ఎటువంటి సినీ నేపథ్యం లేకపోవడం వల్ల సోహెల్ కు అంత త్వరగా అవకాశాలు రాలేదు. దాంతో డబ్బుల కోసం క్యాటరింగ్ వర్క్ చేశాడు. వెడ్డింగ్ ఈవెంట్స్ లో క్యూ మెంబర్ గా పని చేశాడు. ఎన్నో కష్టాలు పడ్డాడు. ఆ తర్వాత షార్ట్ ఫిల్మ్స్ లో నటించారు. ఆ సమయంలోనే కొత్త బంగారు లోకం చిత్రంలో అవకాశం వచ్చింది. ఇదే సోహెల్ ఫస్ట్ ఫిల్మ్. 2008లో విడుదలైన ఈ చిత్రంలో హీరో క్లాస్మేట్ గా సోహెల్ నటించాడు.ఆ తర్వాత కెమెరామెన్ గంగతో రాంబాబు, సీతమ్మ వాకిట్లో సిరిమల్లె చెట్టు, అంతకుముందు ఆ తర్వాత, ఢీ ఫర్ దోపిడి, జనతా గ్యారేజ్ తదితర చిత్రాల్లో గుర్తింపు లేని పాత్రల్లో నటించాడు. అలాగే మరోవైపు సీరియల్స్ ద్వారా టెలివిజన్ రంగంపై అడుగు పెట్టాడు. పసుపు కుంకుమ, నాటిచరామి, కృష్ణవేణి వంటి సీరియస్ ద్వారా బుల్లితెరపై క్రేజ్ సంపాదించుకున్నాడు. ఆ క్రేజ్ తోనే బిగ్ బాస్ సీజన్ 4లో కంటెస్టెంట్ గా పాల్గొన్నాడు. తనదైన ఆటతీరు, ప్రవర్తతతో భారీ ఫ్యాన్ ఫాలోయింగ్ సంపాదించుకున్నాడు. ఈ షో తర్వాత సోహెల్ కు హీరోగా అవకాశాలు రావడం స్టార్ట్ అయ్యాయి. అలా యురేక, లక్కీ లక్ష్మణ్, ఆర్గానిక్ మామ హైబ్రీడ్ అల్లుడు.. ఇలా హిట్లు, ఫ్లాపులతో సంబంధం లేకుండా వరుసగా సినిమాలు చేస్తున్నాడు. ఎలాగైనా హీరోగా నిలదొక్కుకోవాలని తాపత్రయపడుతున్నాడు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి