తమిళంలోనే కాకుండా తెలుగులో కూడా శంకర్ సినిమాలకి విశేషమైన ఆదరణ లభించింది. ఆయన సినిమాలలో కమల్ హాసన్ తో 1996లో చేసిన ఇండియన్ సినిమా సెన్సేషనల్ హిట్ అయ్యింది. దానిని తెలుగులో భారతీయుడు అనే టైటిల్ తో రిలీజ్ చేస్తే ఇక్కడ కూడా ఆ సినిమా సూపర్ హిట్ అయ్యింది. అలాగే హిందీలో హిందుస్తానీ అనే టైటిల్ తో రిలీజ్ చేసి అక్కడ కూడా అందుకున్నారు. ఆ సినిమాతోనే డిస్ట్రిబ్యూటర్ గా ప్రస్తుత టాలీవుడ్ టాప్ ప్రొడ్యూసర్ గా దిల్ రాజు రేంజ్ పెరిగింది.గతంలో ఇతర భాషలలో తెరకెక్కే సినిమాలు ఏవైనా డబ్బింగ్ చేసేటపుడు ఆ భాషలకి తగ్గట్లు పేర్లు పెట్టేవారు. అలా హిందీ సినిమాలు తెలుగులో డబ్బింగ్ అయ్యి హిట్ అందుకున్నవి ఉన్నాయి. వాటికి కూడా తెలుగు పేర్లే పెట్టారు. ఇంకా అలాగే తమిళ సినిమాలని తెలుగులో రీజనల్ టైటిల్స్ తోనే వాటిని రిలీజ్ చేశారు. అయితే బాహుబలి సినిమా తర్వాత ట్రెండ్ మారింది. పాన్ ఇండియా లెవల్ లో రిలీజ్ అవుతోన్న అన్ని సినిమాలకి కూడా ఒకే టైటిల్ ని పెడుతున్నారు.


అన్ని భాషలకి కూడా కనెక్ట్ అయ్యే విధంగా కామన్ టైటిల్స్ ని ఎంచుకుంటున్నారు. కానీ డైరెక్టర్ శంకర్ మాత్రం ప్రస్తుతం కమల్ హాసన్ తో చేస్తోన్న ఇండియన్ సినిమా సీక్వెల్ విషయంలో తన పాత పద్ధతిని ఫాలో అవుతున్నారు. ఈ సినిమాకి తమిళంలో ఇండియన్ 2, తెలుగులో భారతీయుడు 2, హిందీలో హిందుస్తానీ 2 అనే పేర్లు కన్ఫర్మ్ చేస్తూ తాజాగా పోస్టర్స్ రిలీజ్ చేశారు. ఈ పద్దతిలోనే గతంలో ఇండియన్ సినిమా వచ్చి బిగ్ సక్సెస్ అయ్యింది.ఈ కారణం వల్లనే ఆయా భాషల ఆడియన్స్ కి ఏ టైటిల్స్ అయితే జనాలకు బాగా రీచ్ అయ్యాయో అదే టైటిల్స్ సీక్వెల్స్ కి కూడా ఉంటే ఎక్కువ రీచ్ ఉంటుందని శంకర్ తన ఓల్డ్ ఫార్మాట్ ని ఫాలో అయ్యినట్లు సమాచారం తెలుస్తోంది. ఇండియన్ సినిమా సీక్వెల్ 28 ఏళ్ళ తర్వాత రాబోతోంది కాబట్టి పాత పద్దతిలోనే టైటిల్ ఉండటం బెటర్ అనే మాట ఎక్కువగా వినిపిస్తోంది. మరి ఈ పద్దతిలో ఇండియన్ సినిమా సీక్వెల్ తో శంకర్ ఏ రేంజ్ సక్సెస్ అందుకుంటాడో  చూడాలి. ఇక ఈ సినిమా జూన్ 13 వ తేదీన ప్రపంచవ్యాప్తంగా విడుదల కాబోతుంది.

మరింత సమాచారం తెలుసుకోండి:

Indian 2

Purushottham Vinay

15/04/2024 05:03 PM