చారుశీల మూవీతో టాలీవుడ్ లోకి అడుగు పెట్టిన రష్మీ హీరోయిన్ గా గుంటూరు టాకీస్ మూవీతో మంచి గుర్తింపు దక్కించుకుంది. ఆ తరువాత రాజు గారి బంగ్లా, తను వచ్చెనంట, అంతం, నెక్స్ట్ నువ్వే, అంతకు మించి వంటి సినిమాల్లో నటించింది. కానీ ఒక్క మూవీ కూడా హిట్ కాకపోవడంతో మళ్ళీ బుల్లితెరపైనే ఫోకస్ పెట్టింది. రష్మీ చివరగా బాయ్స్ హాస్టల్ మూవీలో మెరిసింది. ఈ మూవీ 2003లో రిలీజ్ అయ్యింది.ఇక సినిమాలు, షోల సంగతి ఇలా ఉంటే తరచుగా వివాదాలతో వార్తల్లో నిలుస్తూ ఉంటుంది రష్మీ గౌతమ్. కావలసినంత సామాజిక స్పృహ ఉన్న ఈ బ్యూటీ ఒక్క మూగ జీవాలపైనే కాకుండా మహిళలపై జరిగే అకృత్యాలపై కూడా గళం విప్పుతూ ఉంటుంది.
అంతేకాదు సోషల్ మీడియా వేదికగా ఎవరైనా తన గురించి పిచ్చిపిచ్చిగా కామెంట్స్ చేస్తే అక్కడే ఇచ్చి పడేస్తుంది. తన అభిప్రాయాన్ని కుండ బద్దలు కొట్టినట్టుగా చెప్పే రష్మీ ఎవరైనా తన గురించి నెగెటివ్ గా కామెంట్స్ చేస్తే అస్సలు ఊరుకోదు. కానీ జబర్దస్త్ లో సుడిగాలి సుధీర్ తో ప్రేమాయణం నడిపిస్తుంది అనే రూమర్లు మాత్రం ఫుల్లుగా హల్చల్ చేశాయి. ఆ రూమర్లు వచ్చిన తర్వాతే రష్మికి ఈ రేంజ్ లో పాపులారిటీ దక్కింది అనేది మాత్రం వాస్తవం.ఇక మరోవైపు రష్మీ పెళ్లి, ఆమె బిగ్ బాస్ ఎంట్రీ అంటూ ఎప్పటికప్పుడు వార్తలు వస్తూనే ఉన్నాయి. బిగ్ బాస్ 7లో ఆఫర్ రాగా, దానికామె భారీ రెమ్యూనరేషన్ అడిగిందని వార్తలు వచ్చాయి. మరి ఈసారైనా ఆమె బిగ్ బాస్ లో కనిపిస్తుందా అనేది చూడాలి.ఇక టీవీ యాంకర్ గా మంచి గుర్తింపు దక్కించుకున్న రష్మీ ఎప్పటికప్పుడు సోషల్ మీడియాలో ఫోటోలను పోస్ట్ చేస్తూ అభిమానులను అలరిస్తూ ఉంటుంది. ఈ నేపథ్యంలోనే తాజాగా మరోసారి బ్లాక్ కలర్ సారీ లో ఉన్న బ్యూటిఫుల్ ఫోటోలను పోస్ట్ చేసింది. అందులో రష్మిని చూసిన వాళ్లు నిండు పున్నమిలో జాబిలమ్మలా అందంగా కనిపిస్తోందని కామెంట్స్ చేస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి