విడుదలకు ముందు పెద్దగా అంచనాలు లేకుండా విడుదల తర్వాత ఇండియా వ్యాప్తంగా సంచనాలను సృష్టించిన సినిమా "కే జీ ఎఫ్ చాప్టర్ 1" ఈ మూవీ లో కన్నడ స్టార్ హీరోలలో ఒకరు అయినటువంటి యాష్ హీరో గా నటించగా ... ఈ మూవీ కి ప్రశాంత్ నీల్ దర్శకత్వం వహించాడు. శ్రీ నిధి శెట్టి ఈ మూవీ లో హీరోయిన్ గా నటించింది. ఈ సినిమా విడుదలకు ముందు పర్వాలేదు అనే స్థాయి అంచనాల నడమే రిలీజ్ అయ్యింది. కాకపోతే ఎప్పుడయితే ఈ సినిమా విడుదల అయ్యిందో ఈ మూవీ కి దేశ వ్యాప్తంగా అద్భుతమైన బ్లాక్ బాస్టర్ టాక్ లభించింది. 

దానితో మెల్లి మెల్లిగా ఈ సినిమా కలెక్షన్ లు భారీగా పెరిగాయి. చివరకు ఈ సినిమా ప్రపంచ వ్యాప్తంగా ఓ భారీ విజయాన్ని అందుకుంది. 2018 వ సంవత్సరం విడుదల అయ్యి బాక్స్ ఆఫీస్ దగ్గర సంచాలనాలను సృష్టించిన ఈ సినిమాను మళ్ళీ తెలుగులో ఓ థియేటర్లో విడుదల చేయనున్నారు. తాజాగా అందుకు సంబంధించిన అఫీషియల్ ప్రకటన కూడా వెలువడింది. తాజాగా ఈ మూవీ బృందం వారు ఈ సినిమాని హైదరాబాదు , ఆర్టీసీ క్రాస్ రోడ్స్ లోని సుదర్శన్ 35 ఎంఎం లో ఏప్రిల్ 27 వ తేదీన ప్రదర్శించనున్నట్లు అధికారికంగా ప్రకటిస్తూ ఓ పోస్టర్ ను విడుదల చేశారు.

మరి ఏప్రిల్ 27 వ తేదీన హైదరాబాదు లోని ఆర్టీసీ క్రాస్ రోడ్స్ సుదర్శన్ 35 ఎంఎం లో ప్రదర్శించనున్న ఈ సినిమాకు ప్రేక్షకుల నుండి ఏ స్థాయి రెస్పాన్స్ లభిస్తుందో చూడాలి. ఇదిలా ఉంటే ఈ మూవీ కి కొనసాగింపుగా "కే జీ ఎఫ్ చాప్టర్ 2" అనే మూవీ కూడా రూపొందింది. "కే జీ ఎఫ్ చాప్టర్ 1" సూపర్ సక్సెస్ కావడంతో చాప్టర్ 2 పై ప్రేక్షకులు భారీ అంచనాలు పెట్టుకున్నారు.  "కే జి ఎఫ్ చాప్టర్ 2" సినిమా ప్రపంచ వ్యాప్తంగా 1200 కోట్లకు పైగా కలెక్షన్ లను కొల్లగొట్టి అద్భుతమైన విజయాన్ని సొంతం చేసుకుంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Yash

MADDIBOINA AJAY KUMAR

24/04/2024 12:30 AM