తమిళ నటి శ్రేయ రెడ్డి గురించి ప్రత్యేక పరిచయం అవసరం లేదు. ఈమె కొన్ని సంవత్సరాల క్రితం విశాల్ హీరో గా రూపొందిన పొగరు సినిమాలో నెగిటివ్ షేడ్స్ ఉన్న పాత్రలో నటించింది. ఈ మూవీ మంచి విజయం సాధించడం , ఇందులో ఈమె పాత్ర కూడా అద్భుతంగా ఉండడంతో ఈ సినిమా ద్వారా శ్రేయ కి మంచి గుర్తింపు లభించింది. ఈ మూవీ తెలుగు లో కూడా విడుదల కావడం ఈ చిత్రం టాలీవుడ్ బాక్స్ ఆఫీస్ దగ్గర కూడా మంచి విజయం సాధించడంతో ఈ నటికి పొగరు సినిమాతోనే తెలుగు లో మంచి గుర్తింపు ఏర్పడింది.

ఆ తర్వాత ఈమె ఎక్కువ సినిమాల్లో నటించలేదు. ఇకపోతే కొంత కాలం క్రితమే ఈ బ్యూటీ రెబల్ స్టార్ ప్రభాస్ హీరోగా ప్రశాంత్ నీల్ దర్శకత్వంలో రూపొందిన సలార్ అనే సినిమాలో కీలకమైన పాత్రలో నటించింది. ఈ సినిమా సూపర్ గా ఉండడం , అందులో ఈమె పాత్ర కూడా హైలెట్ గా ఉండడంతో ఈ మూవీ ద్వారా ఈమెకు మంచి గుర్తింపు లభించింది. ప్రస్తుతం ఈ బ్యూటీ పవర్ స్టార్ పవన్ కళ్యాణ్ హీరోగా ప్రియాంక అరుల్ మోహన్ హీరోయిన్ గా సుజిత్ దర్శకత్వంలో రూపొందుతున్న ఓజీ అనే మూవీ లో హీరోయిన్ గా నటిస్తోంది.

తాజాగా ఈమె ఓ ఇంటర్వ్యూలో పాల్గొంది. అందులో నా అభిమాన నటి టబు. ఓ తెలుగు మూవీలో టబు కోసం రాసిన పాత్రను నేను చేస్తున్నాను. మొదట టబు గురించి వారు  స్క్రిప్ట్ ను రాశారు. కానీ చివరకు ఆ పాత్ర నాకు వచ్చింది. ఆ అవకాశం రావడం నాకు దక్కిన చాలా పెద్ద విజయం అని నేను భావిస్తున్నాను అని అంది.  ఇక ఈమె ఓజీ సినిమా గురించి ఇన్ డైరెక్ట్ గా చెప్పుకొచ్చింది అని జనాలు భావిస్తున్నారు.

ఇకపోతే ఓజీ మూవీ ని సెప్టెంబర్ 27 వ తేదీన విడుదల చేయనున్నట్లు మేకర్స్ ప్రకటించారు. ఈ మూవీ పై తెలుగు ప్రేక్షకుల్లో భారీ అంచనాలు నెలకొని ఉన్నాయి. ఈ మూవీ మంచి విజయం సాధించినట్లు అయితే శ్రేయా రెడ్డి క్రేజ్ తెలుగు లో మరింత పెరిగే అవకాశం చాలా వరకు ఉంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Sr

MADDIBOINA AJAY KUMAR

20/05/2024 01:01 PM