కథ
శివ (శివ కంఠమనేని)కి తన తమ్ముడు సూర్య ( శ్రీ సూర్య) అంటే ప్రాణం. సూర్య కోసం శివ తాను ప్రేమించి, ఎంగేజ్మెంట్ చేసుకున్న గౌరి (ప్రియ హెగ్డే)ని పెళ్లి చేసుకోకుండా అలానే ఉండిపోతాడు. కానీ శివ, గౌరీలు ఒకే ఇంట్లో ఉంటారు. శివ సోదరుడు సూర్య మీద ఓ సారి అటాక్ జరుగుతుంది. తమ్ముడి కోసం అన్న వచ్చి విలన్లను చితక్కొట్టేస్తాడు. భయస్తుడైన తమ్ముడికి అన్న వెన్నుదన్నులా ఉంటాడు. శత్రువులు ఎక్కువగా ఉన్నారని, బయటకు వెళ్తే ప్రమాదమని తమ్ముడ్ని హెచ్చరిస్తాడు. కానీ సూర్య మాత్రం బయటకు వెళ్తాడు. అలా పూజ (ప్రీతి) ప్రేమలో పడిపోతాడు. వీరి ప్రేమ సంగతి ఇంటి వరకు వస్తుంది. ఇంట్లో వదిన, నానమ్మకి కూడా పూజ నచ్చేస్తుంది. ఒక ఓ సారి పూజ, సూర్యలు బయటకు వెళ్తే అటాక్ జరుగుతుంది. సూర్య, శివలు ఆ అటాక్‌ను తిప్పి కొడతారు. ఈ అటాక్ ఎందుకు జరిగింది? ఎవరి మీద జరిగింది? అసలు పూజ ఎవరు? పూజ తండ్రి మంత్రి (రాజేంద్ర) పాత్ర ఏంటి? సూర్యకు పూజకు ఉన్న ఫ్లాష్ బ్యాక్ ఏంటి? శివ గతం ఏంటి? శివ ఎందుకు పెళ్లి చేసుకోకుండా ఉంటాడు? అనేది మిగతా కథ.
నటీనటులుబిగ్ బ్రదర్ సినిమాలో శివ పాత్రలో శివ కంఠమనేని కనిపించి మెప్పించాడు. శివ కారెక్టర్‌లో చూపించాల్సిన ప్రేమ, కోపం ఇలా అన్ని ఎమోషన్స్‌ను చూపించాడు. ఇక యాక్షన్ సీక్వెన్స్‌లో ఫుల్ ఎనర్జీతో కనిపించాడు. శివ పాత్ర తరువాత ఈ చిత్రంలో సూర్య పాత్రే హైలెట్ అవుతుంది. ఫస్ట్ హాఫ్‌లో భయస్తుడిలా, సెకండాఫ్‌లో కాలేజీ కుర్రాడిలా, అల్లరి పాత్రలో మెప్పించాడు. గౌరి పాత్రలో ప్రియ హెగ్డే అందంగా ఉంది. పూజ కారెక్టర్‌లో ప్రీతి గ్లామరస్‌గా ఆకట్టుకుంది. భవానీ, దేవ్, మంత్రి పాత్రలు విలనిజాన్ని చూపించాయి. నానమ్మ పాత్ర అక్కడక్కడా నవ్వులు పూయించింది.
విశ్లేషణఫ్యామిలీ, యూత్ ఆడియెన్స్‌ను ఆకట్టుకునేలా ఈ కథను దర్శకుడు రాసుకున్నాడు. ఫస్ట్ హాఫ్ అంతా కూడా ఫ్యామిలీ చుట్టూ తిరుగుతుంది. అన్న, తమ్ముళ్ల రిలేషన్, వదిన ప్రేమ, నానమ్మ అల్లరి ఇలా అన్ని రకాల ఎమోషన్స్‌ను జోడించి ఫ్యామిలీ ఆడియెన్స్‌కు బాగా కనెక్ట్ అయ్యేలా రాసుకున్నాడు. కామెడీ కూడా బాగానే పండింది. ఫైట్స్, పాటలకు కరెక్ట్ ప్లేస్ మెంట్ దొరికింది. ఇక ఫస్ట్ హాఫ్ చూస్తేనే ఫుల్ మీల్స్ అన్నట్టుగా కనిపిస్తుంది. ఇంటర్వెల్ హీరోలిద్దరూ కలిసి చేసే ఫైట్ బాగుంటుంది.
సెకండాఫ్‌లో కథ ఎక్కువగా ఫ్లాష్ బ్యాక్‌లో సాగుతుంది. కాలేజ్ సీన్స్ బాగుంటాయి. ఆ ఎపిసోడ్స్ అన్నీ కూడా యూత్ ఆడియెన్స్‌ను టార్గెట్ చేసినట్టుగా కనిపిస్తుంది. హీరో హీరోయిన్ల మధ్య టామ్ అండ్ జెర్రీ వార్, ర్యాగింగ్ చేసుకోవడం, ప్రేమ పుట్టడం, హీరోయిన్ తండ్రి నుంచి వచ్చిన సమస్యలు.. ఇలా ప్రీ క్లైమాక్స్ వరకు కథ బాగా వెళ్తుంది. ఇక శివ ఫ్యామిలీ ఫ్లాష్ బ్యాక్ ఎపిసోడ్ అందరినీ కదిలిస్తుంది. క్లైమాక్స్‌లో తమ్ముడి ప్రేమను గెలిపించేందుకు అన్న చేసే పోరాటం, క్లైమాక్స్ యాక్షన్ సీక్వెన్స్ అన్నీ బాగుంటాయి. చివరకు కథ సుఖాంతం అవుతుంది.బిగ్ బ్రదర్ మూవీకి సంగీతం ఓకే అనిపిస్తుంది. పాటలు వినడానికి, చూడటానికి బాగుంటాయి. సినిమాటోగ్రఫీ నేచురల్‌గా ఉంటుంది. నిడివి తక్కువగానే ఉండటం ప్లస్. నిర్మాణ విలువలు సినిమా స్థాయికి తగ్గట్టుగా ఉన్నాయి. పెట్టిన ఖర్చుకు తగ్గ ఫలితం వచ్చినట్టుగా అనిసిస్తుంది. కమర్షియల్‌గా ఫలితం ఎలా వస్తుందో తెలియాలంటే కొన్ని రోజులు ఆగాల్సిందే.
రేటింగ్ : 3/5
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి