ఆ తరువాత మనసంకర వరప్రసాద్ దర్శకత్వంలో తెరకెక్కిన చిత్రం విడుదలైంది. ఈ సినిమాలో చిరంజీవి హీరోగా, నయనతార హీరోయిన్గా నటించగా, వెంకటేష్ కీలక పాత్రలో ప్రేక్షకులను ఆకట్టుకున్నారు. ఈ సినిమాకు మొదటినుంచే “సూపర్ డూపర్ హిట్” అనే టాక్ వచ్చింది. అయితే, కొంతమంది ప్రేక్షకులు మాత్రం ఈ సినిమా అంతగా ఆకట్టుకోలేదని అభిప్రాయపడుతున్నారు. కానీ పీఆర్ టీమ్లు బలంగా ప్రచారం చేయడంతో ఈ సినిమాను ఎక్కువగా హైలైట్ చేస్తున్నారని సోషల్ మీడియాలో విమర్శలు వినిపిస్తున్నాయి.ఇక ఆ తర్వాత విడుదలైన శర్వానంద్ నటించిన “నారి నారి నడుమ మురారి” అలాగే నవీన్ పోలిశెట్టి నటించిన “అనగనగా ఒక రాజు” సినిమాలకు కంటెంట్ పరంగా మంచి స్పందన వచ్చింది. ఈ రెండు సినిమాల్లో కామెడీ బాగా వర్క్ అయ్యింది, ఎంటర్టైన్మెంట్ కూడా ప్రేక్షకులను ఆకట్టుకుంది. అయినప్పటికీ, ఈ సినిమాలకు వచ్చిన మంచి టాక్ సోషల్ మీడియాలో అంతగా హైలైట్ కాలేకపోతోంది.
ఈ నేపథ్యంలోనే, కావాలనే కొన్ని పీఆర్ టీమ్లు ఈ రెండు సినిమాలను తొక్కేస్తున్నాయంటూ అభిమానులు తీవ్ర ఆగ్రహం వ్యక్తం చేస్తున్నారు. ముఖ్యంగా శర్వానంద్ ఫ్యాన్స్ మాట్లాడుతూ, “మనసంకర వరప్రసాద్ సినిమా కంటే కూడా ‘నారి నారి నడుమ మురారి’ సినిమాలో కామెడీ, ఎంటర్టైన్మెంట్ ఎక్కువగా ఉంది. అయినా ఎందుకు ఆ సినిమాను హైలైట్ చేయకుండా కావాలనే పక్కకు నెట్టి వేస్తున్నారు?” అంటూ సోషల్ మీడియాలో గట్టిగా ప్రశ్నిస్తున్నారు.మొత్తానికి, ఈ సంక్రాంతి సీజన్లో నిజంగా మంచి కంటెంట్ ఉన్న సినిమాలకు తగిన గుర్తింపు దక్కడం లేదని, పీఆర్ ప్రచారాల కారణంగా కొన్ని సినిమాలే ఎక్కువగా ముందుకు వస్తున్నాయని అభిమానులు ఆరోపిస్తున్నారు. ఇదే అంశం ఇప్పుడు సోషల్ మీడియాలో పెద్ద హీట్ను క్రియేట్ చేస్తోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి