తనపై సుబ్బారావు దుష్ప్రచారం చేస్తున్నారని పంజాగుట్ట పోలీస్ స్టేషన్లో ఫిర్యాదు చేసింది మంగ్లీ. తన కార్యాలయానికి వచ్చి రూ.10 లక్షల రూపాయలు డిమాండ్ చేశారని ఒకవేళ ఆ డబ్బులు ఇవ్వకపోతే తనను దుర్భాషలాడుతూ బెదిరించారంటు ఆమె ఫిర్యాదు చేసింది. డబ్బులు వసూళ్ల వ్యవహారంతో తనకి ఎలాంటి సంబంధం లేదంటూ తెలిపింది. తన పై కావాలనే ఇలా కొంతమంది తప్పుడు ఆరోపణలు చేస్తున్నారంటూ ఎమోషనల్ గా మాట్లాడింది. తనకు డబ్బు ముఖ్యం కాదని పాటలు, వ్యక్తిత్వమే ముఖ్యమం అంటూ తెలియజేసింది.
ఈ వ్యవహారంలో తన పాత్ర ఉందని నిరూపిస్తే తాను ఏ పని చేయడానికి అయినా సిద్ధమేనని, కష్టపడి తాను ఈ స్థాయికి వచ్చాను తాను ఆ మూలాలను ఎప్పటికీ మర్చిపోలేనని.. మైక్రో ఫైనాన్స్ బాధితుల తరఫునుంచి కూడా తాను పోరాడుతానంటూ సింగర్ మంగ్లీ తెలియజేసింది. అయితే సుబ్బారావు కేవలం ఇదంతా బిగ్ బాస్ షో కోసం వల్లే చేస్తున్నారంటూ ఆమె ఆరోపణలు చేసింది. రాజకీయ ప్రచారాల ద్వారా కోట్ల రూపాయలు సంపాదించే అవకాశం తనకి వచ్చినప్పటికీ వాటిని తిరస్కరించాను ఇప్పుడు ఇలాంటి ఆరోపణలు చేస్తున్నారు. ఇలాంటి అక్రమ ఆరోపణలు చేసే వారిని ఉపేక్షించానంటూ ఘాటుగానే స్పందించింది సింగర్ మంగ్లీ. తనపై వచ్చిన ఈ ఆరోపణలపై క్లారిటీ ఇచ్చింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి