ఇక ఉక్రెయిన్ లో నెలకొన్న అల్లకల్లోల పరిస్థితుల నేపథ్యంలో ప్రపంచ దేశాల మొత్తం ఆందోళన వ్యక్తం చేస్తున్నాయి. పిచ్చుకపై బ్రహ్మాస్త్రం ప్రయోగించిన ట్లుగా అటు ఉక్రెయిన్ పై అగ్ర దేశమైన రష్యా దాడి చేయడం ఏంటి అంటూ ప్రశ్నిస్తున్నాయి. ఈ క్రమంలో ఇప్పటికే ఎన్నో దేశాలు రష్యా తీరుపై విమర్శలు చేయడమే కాదు కఠిన ఆంక్షలు కూడా విధిస్తూ ఉండడం గమనార్హం. అయినప్పటికీ రష్యా అధ్యక్షుడు పుతిన్ ఎక్కడా వెనక్కి తగ్గడం లేదు. ఇలాంటి సమయంలో కేవలం సైనికులు మాత్రమే కాదు ఉక్రెయిన్ పౌరులు సైతం దేశం కోసం ఆయుధాలు చేతబట్టి పోరాటానికి సిద్ధమవుతున్నారు.
ఇప్పటికే ఉక్రెయిన్ అధ్యక్షుడు స్వయంగా యుద్ధ రంగంలోకి దిగి సైన్యాన్ని ముందుకు నడిపిస్తున్నాడు. వృద్ధులు యువకులు మహిళలు రాజకీయ నేతలు ప్రస్తుతం ప్రాణాలు అర్పించడానికి కూడా సిద్ధమయ్యారు. యుద్ధం లో పాల్గొనేందుకు వచ్చిన వారికి ఆయుధాలు ఇస్తామంటూ అధ్యక్షులు జెలెన్ స్కి ప్రకటన చేసిన నేపథ్యంలో ఎంతో మంది ముందుకు వస్తున్నారు. ఇక ఇప్పుడూ నేటి ఉద్యోగులు సైతం తాము దేశం కోసం యుద్ధం చేయడానికి సిద్ధం అంటూ ముందుకు వచ్చారు. ఉక్రెయిన్ రాజధాని నగరమైన కీవ్ లోకి రష్యన్ సైనికులు వస్తే ఇక అంతు చూస్తమంటూ హెచ్చరికలు కూడా జారీ చేస్తున్నారు..
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి