కొంతమంది ట్రెండ్ ఫాలో అవ్వడానికి సిగరెట్ తాగుతూ ఉంటే.. ఇంకొంతమంది మాత్రం ఏదో అనుభూతి వస్తుంది అనే ఊహలో సిగరెట్ తాగుతూ ఆరోగ్యాన్ని పాడు చేసుకుంటూ ఉన్నారు. సరే పోనీలెండి వాళ్ళ డబ్బులతో వాళ్ళ సిగరెట్ తాగుతున్నారు మనకెందుకులే అంటారా.. ఇక సిగరెట్ తాగడం తాగకపోవడం వాళ్ల ఇష్టం కానీ.. సిగరెట్ తాగడం వల్ల ఎదుటివారిని ఇబ్బందులకు గురి చేయడం మాత్రం ఏమాత్రం ఆమోదయోగ్యం కాదు అన్న విషయం తెలిసిందే. ఇక్కడ ఒక వ్యక్తి మాత్రం ఇలాంటిదే చేశాడు.
విమానంలో ప్రయాణిస్తున్న సదరు వ్యక్తి ఎంతో హుందాగా ప్రవర్తించాల్సింది పోయి ఏకంగా ఇతరుల ప్రాణాలను ప్రమాదంలో పెట్టే విధంగా వ్యవహరించాడు. ఫ్లైట్లో సిగరెట్ తాగి ఏకంగా టాయిలెట్ నే తగలబెట్టాడు. ఈ ఘటన బ్యాంకాక్ విమానంలో వెలుగులోకి వచ్చింది. ఇజ్రాయిల్ నుంచి బ్యాంకాక్ వెళ్తున్న విమానంలో ఒక వ్యక్తి టాయిలెట్లో సిగరెట్ తాగి డస్ట్ బిన్ లో పడేసాడు. అయితే డస్ట్ బిన్ లో టిష్యూ పేపర్ లు ఉండడంతో వాటికి నిప్పు అంటుకుంది. దీంతో విమానం గాల్లో ఉండగా టాయిలెట్లో ఒక్కసారిగా మంటలు చెలరేగాయ్. వెంటనే స్పందించిన విమాన సిబ్బంది మంటలు ఆర్పేశారు. ఇక విమానం సేఫ్ గా ల్యాండ్ కావడంతో అందరూ ఊపిరి పీల్చుకున్నారు.
