తెలంగాణ ఫైర్ బ్రాండ్ నాయకురాలిగా గుర్తింపు పొందిన కాంగ్రెస్ స్టార్ క్యాంపెయినర్ విజయశాంతి రాజకీయంగా సైలెంట్ అయిపోయారు. దుబ్బాక నియోజకవర్గంలో జరగబోయే ఉప ఎన్నికల్లో ఆమె పోటీ చేస్తారని ప్రచారం గట్టిగా మొదట్లో నడిచింది. ఇక తాను కూడా పోటీకి సై అన్నట్టుగానే వ్యవహరించి యాక్టివ్ కావడంతో, కాంగ్రెస్ పెద్దలు సైతం ఆమెనే అభ్యర్థిగా నిర్ణయించి, ఆమె పేరును బహిరంగంగా ప్రకటించాలని చూశారు. అయితే ఆ తర్వాత కాంగ్రెస్ పెద్దలు ఆమె పేరు ప్రతిపాదించాలి అనుకునేసరికి ఆమె తాను పోటీ చేసేందుకు సముఖంగా లేనని దూరంగా ఉంటూ వస్తున్నారు. అప్పుడప్పుడు మాత్రమే ఆమె బయటకు వచ్చి టిఆర్ఎస్ పై విమర్శలు చేస్తున్నారు.
2018 అసెంబ్లీ ఎన్నికల్లో ఆమె కాంగ్రెస్ తరఫున ప్రచారం చేశారు. కానీ ఆ తర్వాత పార్టీ నాయకులు ఎవరూ ఆమెను పెద్దగా పట్టించుకోనట్టుగా వ్యవహరించడం, సమావేశాలకు సైతం కనీసం ఆమెను ఆహ్వానించకపోవడం వంటి పరిణామాలు ఆగ్రహం కలిగించాయి. దీంతో కాంగ్రెస్ పార్టీతో అంటీ ముట్టనట్లుగానే ఆమె వ్యవహరిస్తున్నారు. ఇదిలా ఉంటే, దుబ్బాకలో గెలిచి తీరాలని కసిగా ఉన్న కాంగ్రెస్ ఆ నియోజకవర్గంలో ఒక్కో మండలానికి పార్టీకి చెందిన ఇద్దరు నుంచి ఐదుగురు వరకు నాయకులను ఇంచార్జిలుగా నియమించింది. వీరిలో కాంగ్రెస్ ఎంపీలు, ఎమ్మెల్యేలతో పాటు, మాజీ ఎంపీలు, ఎమ్మెల్యేలు కీలకమైన నాయకులు ఇలా మొత్తం ఎనిమిది మండలాలకు 32 మంది పేర్లతో జాబితాను విడుదల చేసింది.
ఇంత వరకు బాగానే ఉన్నా, ఆ జాబితాలో విజయశాంతి పేరు లేకపోవడం అందరినీ ఆశ్చర్య పరిచింది. ఈ వ్యవహారంతో కాంగ్రెస్ పార్టీ విజయశాంతిని పూర్తిగా పక్కన పెట్టేసిందా అనే అభిప్రాయం అందరిలో కలుగుతోంది. కొంతకాలంగా ఆమె పార్టీ కార్యక్రమాలకు సైతం పెద్దగా హాజరుకాకపోవడం, ప్రస్తుతం దుబ్బాక ఎన్నికలు జరగబోతున్నా, ప్రచార కమిటీ చైర్మన్ గా ఉన్న ఆమె అటు వైపు వచ్చేందుకు ఇష్టపడకపోవడం వంటి పరిణామాలు అనేక అనుమానాలు కలిగిస్తున్నాయి. దీనికి తోడు తెలంగాణ పార్టీ వ్యవహారాల ఇన్చార్జిగా నియమితులైన మాణికం ఠాకూర్ ఇటీవల పార్టీ కీలక నాయకులతో సమావేశం నిర్వహించినప్పుడు ఆమె హాజరుకాలేదు.
ఠాకూర్ స్వయంగా తన వద్దకు వచ్చి తనతో భేటీ అవుతారని విజయశాంతి భావించారు. కానీ ఆ విధంగా జరగకపోవడంతో విజయశాంతి అంచనాలన్నీ తలకిందులయ్యాయి. రాజకీయాలలో యాక్టివ్ గా ఉండకపోవటానికి కారణం సినిమాలే అని చెబుతున్న ఆమె కాంగ్రెస్ లో ఉండేందుకు ఇష్టపడడం లేదని, త్వరలోనే ఆమె బీజేపీ తీర్థం పుచ్చుకునేందుకు సిద్ధం అవుతున్నారనే ప్రచారం అప్పుడే మొదలయిపోయింది.
2018 అసెంబ్లీ ఎన్నికల్లో ఆమె కాంగ్రెస్ తరఫున ప్రచారం చేశారు. కానీ ఆ తర్వాత పార్టీ నాయకులు ఎవరూ ఆమెను పెద్దగా పట్టించుకోనట్టుగా వ్యవహరించడం, సమావేశాలకు సైతం కనీసం ఆమెను ఆహ్వానించకపోవడం వంటి పరిణామాలు ఆగ్రహం కలిగించాయి. దీంతో కాంగ్రెస్ పార్టీతో అంటీ ముట్టనట్లుగానే ఆమె వ్యవహరిస్తున్నారు. ఇదిలా ఉంటే, దుబ్బాకలో గెలిచి తీరాలని కసిగా ఉన్న కాంగ్రెస్ ఆ నియోజకవర్గంలో ఒక్కో మండలానికి పార్టీకి చెందిన ఇద్దరు నుంచి ఐదుగురు వరకు నాయకులను ఇంచార్జిలుగా నియమించింది. వీరిలో కాంగ్రెస్ ఎంపీలు, ఎమ్మెల్యేలతో పాటు, మాజీ ఎంపీలు, ఎమ్మెల్యేలు కీలకమైన నాయకులు ఇలా మొత్తం ఎనిమిది మండలాలకు 32 మంది పేర్లతో జాబితాను విడుదల చేసింది.
ఇంత వరకు బాగానే ఉన్నా, ఆ జాబితాలో విజయశాంతి పేరు లేకపోవడం అందరినీ ఆశ్చర్య పరిచింది. ఈ వ్యవహారంతో కాంగ్రెస్ పార్టీ విజయశాంతిని పూర్తిగా పక్కన పెట్టేసిందా అనే అభిప్రాయం అందరిలో కలుగుతోంది. కొంతకాలంగా ఆమె పార్టీ కార్యక్రమాలకు సైతం పెద్దగా హాజరుకాకపోవడం, ప్రస్తుతం దుబ్బాక ఎన్నికలు జరగబోతున్నా, ప్రచార కమిటీ చైర్మన్ గా ఉన్న ఆమె అటు వైపు వచ్చేందుకు ఇష్టపడకపోవడం వంటి పరిణామాలు అనేక అనుమానాలు కలిగిస్తున్నాయి. దీనికి తోడు తెలంగాణ పార్టీ వ్యవహారాల ఇన్చార్జిగా నియమితులైన మాణికం ఠాకూర్ ఇటీవల పార్టీ కీలక నాయకులతో సమావేశం నిర్వహించినప్పుడు ఆమె హాజరుకాలేదు.
ఠాకూర్ స్వయంగా తన వద్దకు వచ్చి తనతో భేటీ అవుతారని విజయశాంతి భావించారు. కానీ ఆ విధంగా జరగకపోవడంతో విజయశాంతి అంచనాలన్నీ తలకిందులయ్యాయి. రాజకీయాలలో యాక్టివ్ గా ఉండకపోవటానికి కారణం సినిమాలే అని చెబుతున్న ఆమె కాంగ్రెస్ లో ఉండేందుకు ఇష్టపడడం లేదని, త్వరలోనే ఆమె బీజేపీ తీర్థం పుచ్చుకునేందుకు సిద్ధం అవుతున్నారనే ప్రచారం అప్పుడే మొదలయిపోయింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి