అయితే కొన్ని వర్గాలలో మాత్రం సంక్షేమం విషయంలో సంతృప్తిగా లేనట్లు తెలుస్తోంది. అయితే జగన్ ప్రవేశ పెట్టిన కొన్ని పధకాలు అందరికీ అందడం లేదనే విషయం గట్టిగా వినబడుతోంది. దీనికి జగన్ కారణంగా కాకపోయినా, స్థానిక కార్యకర్తల వ్యవహారం కారణంగానే ఇలాంటివి కొన్ని చోట్ల జరుగుతున్నట్లు తెలుస్తోంది. తమ వర్గానికే అన్ని పధకాలు వచ్చేలా తమ చేతివాటం చూపిస్తున్నారని ఇప్పటికే ఎన్నో విమర్శలు వచ్చాయి. ప్రజల్లో ఒక్కసారి వ్యతిరేకత వస్తే అది పోవడానికి చాలా సమయం పడుతుంది. ఉదాహరణకు మాజీ సీఎం చంద్రబాబు నాయడునే తీసుకోండి. 2014 లో అధికారంలో ఉన్నప్పుడు చేసిన మోసమే ఇప్పటీకీ ద్వేషిస్తున్నారు అని రాజకీయ విశ్లేషకులు అంటున్నారు. ఈ విషయంలో క్షేత్ర స్థాయిలో కార్యకర్తలతో సంబంధిత ఎమ్మెల్యేలు చర్చించి సరిచేయాల్సిన అవసరం ఎంతైనా ఉంది.
నిరుద్యోగం గురించి ప్రజల్లో తీవ్ర వ్యతిరేకత ఉంది. ఈ విషయంలో కూడా ఏదో ఒకటి చేసేయి జగన్ కనీసం కొంతవరకైనా ప్రభుత్వ పరిధిలో ఉద్యోగాలను ఇవ్వాల్సి ఉంది. ఇక ఆంధ్రులకు ఎంతో ముఖ్యమయిన పోలవరం విషయంలో ఏమి జరుగుతోంది అనే విషయం ప్రజలకు క్లారిటీ వచ్చేలా తెలియచేయాలి. ఎట్టకేలకు అధికారంలో ఉండగానే పూర్తి చేసుకోవాలి. రాష్ట్రంలో చాలా చోట్ల రోడ్లు దారుణంగా ఉన్నాయని గత కొద్ది రోజుల నుండి రచ్చ రచ్చ జరుగుతోంది. కాబట్టి ఈ విషయంలో సత్వరమే చర్యలు తీసుకుని అన్ని రోడ్లను మరమ్మతులు చేయించాలి. పైన తెలిపిన అన్ని విషయాలను బాగా పరిశీలించి పరిష్కిరిస్తే మళ్ళీ జగనే సీఎం.