സ്വപ്ന സുരേഷ് ഒളിവിൽ കഴിഞ്ഞതിനു പിന്നിലും മാവുങ്കലിന്റെ കൈകളോ? സ്ത്രീകളെ വശത്താക്കാൻ പുരാവസ്തു തട്ടിപ്പ് കേസിൽ അറസ്റ്റിലായ മോൻസൻ മാവുങ്കൽ വിദഗ്ധനായിരുന്നുവെന്നാണ് റിപ്പോർട്ട്. കോസ്മറ്റോളജിസ്റ്റ് എന്ന് സ്വയം പരിചയപ്പെടുത്തിയിരുന്ന മോൻസൻ സൗന്ദര്യവർധക വസ്തുക്കൾ നൽകിയാണ് സ്ത്രീകളെ വശത്താക്കിയിരുന്നത്. ദേശത്ത് നിന്നും ഇറക്കുമതി ചെയ്ത വിലകൂടിയ സൗന്ദര്യവർധക വസ്തുക്കളായിരുന്നു ഇവയെന്നാണ് മാതൃഭൂമി റിപ്പോർട്ട് ചെയ്യുന്നത്. ഉന്നതരുടെ ഭാര്യമാർ അടക്കം ഇത്തരത്തിൽ നിരവധി സ്ത്രീകളാണ് എത്തിയിരുന്നത് എന്നാണ് റിപ്പോർട്ട്. സാരി ഉടുപ്പിക്കാൻ അടക്കം വിദഗ്ധനാണ് മോൻസൻ എന്നാണ് മാതൃഭൂമിയുടെ റിപ്പോർട്ടിൽ സൂചിപ്പിക്കുന്നത്. ഒരു പരിപാടിയിൽ പങ്കെടുക്കാൻ വിദേശത്ത് നിന്നും എത്തിയ സ്ത്രീയെ സാരിയുടുക്കാൻ പഠിപ്പിച്ചിരുന്നുവെന്നും റിപ്പോർട്ടിൽ പറയുന്നു.
ഇവരോട് പ്രധാന ചടങ്ങുകളിൽ സാരി ധരിച്ച്‌ വരാൻ നിർദ്ദേശിക്കുകയും ഇയാൾ ഇത് പഠിപ്പിക്കുകയും ചെയ്തിരുന്നുവെന്നും മാധ്യമറിപ്പോർട്ടിൽ പറയുന്നു. അതേസമയം നയതന്ത്ര സ്വർണക്കടത്ത് കേസിലെ മുഖ്യപ്രതി സ്വപ്ന സുരേഷ് ഒളിവിൽ കഴിഞ്ഞത് മോൻസൺ മാവുങ്കലിന്റെ തണലിലെന്ന് റിപ്പോർട്ട്. സ്വർണക്കള്ളക്കടത്ത് പുറത്തുവന്നതിന് പിന്നാലെ സ്വപ്നയും സംഘവും തിരുവനന്തപുരത്ത് നിന്നും കൊച്ചിയിലേക്ക് കടന്നിരുന്നു. സ്വപ്നയ്ക്ക് ഏറ്റവും സുരക്ഷിതമായി കഴിയാവുന്ന സ്ഥലം മോൻസന്റെ വീട് തന്നെയായിരുന്നു. കടുത്ത സുരക്ഷവിന്യാസമുള്ള മോൻസന്റെ വീട്ടിലേക്ക് അങ്ങിനെ ആർക്കും കടക്കുവാൻ സാധിക്കുമായിരുന്നില്ല. മോൻസന്റെ നാടായ ചേർത്തലയിലും പരിസരങ്ങളിലും സ്വപ്ന ഒളിവിൽ കഴിഞ്ഞതായി കേന്ദ്ര ഏജൻസികൾക്ക് സംശയമുണ്ടായിരുന്നുവെന്നും റിപ്പോർട്ടുണ്ട്.
മൂന്ന് വർഷത്തെ പ്രണയത്തിനൊടുവിൽ വിവാഹിതനാണെന്ന സത്യവും മറ്റ് സ്ത്രീകളുമായുള്ള ബന്ധങ്ങളും മനസ്സിലാക്കിയതോടെ ഇയാളെ തകർക്കാനായി ഇവർ രംഗത്തുവരികയായിരുന്നുവെന്നാണ് വിവരം. മോൻസൻ മാവുങ്കലിനെ സംബന്ധിച്ചുള്ള വാർത്തകൾ പുറത്തുവരാൻ കാരണ പ്രവാസി മലയാളി വനിതയുമായുണ്ടായിരുന്ന അടുപ്പം തകർന്നതിനേത്തുടർന്നാണെന്ന് മനോരമ ഓൺലൈൻ റിപ്പോർട്ട് ചെയ്യുന്നു. രണ്ടു വർഷം മുൻപു ലോക കേരള സഭയിൽ ഇവർക്കൊപ്പം മോൻസന്റെ സാന്നിധ്യമുണ്ടായിരുന്നെന്നും അന്നു തന്നെ ഈ വിഷയം ചർച്ചയായിരുന്നുവെന്നും മനോരമ റിപ്പോർട്ട് ചെയ്യുന്നു.
ഒപ്പം മോൻസൻ മാവുങ്കലിൻറെ ചോദ്യം ചെയ്യൽ ഇന്നും തുടരും. എച്ച്എസ്ബിസി ബാങ്കിൻറേതടക്കം വ്യാജ രേഖകളുണ്ടാക്കിയതിന് ആരൊക്കെ സഹായിച്ചെന്നാണ് പരിശോധിക്കുന്നത്. പുരാവസ്തുക്കൾ ആർക്കും ഇതേവരെ വിറ്റിട്ടില്ലെന്നാണ് മോൻസൻ ആവർത്തിച്ച് പറയുന്നതെങ്കിലും അന്വേഷണ സംഘം ഈ മൊഴി കണക്കിലെടുക്കുന്നില്ല. മോൻസൻറെ വീട്ടിലെ പുരാവസ്തുക്കളുടെ ശാസ്ത്രീയ പരിശോധന ആർക്കിയോളജി ഉദ്യോഗസ്ഥർ ഇന്നും തുടരും. ചേർത്തലയിലെ വീട്ടിലടക്കം കൊണ്ടുപോയി തെളിവെടുക്കാനും ആലോചിക്കുന്നുണ്ട് എന്നാണ് റിപ്പോർട്ടുകൾ.
Find out more:
click and follow Indiaherald WhatsApp channel