అయితే రెండవ దశ కరోనా వైరస్ వ్యాప్తి తోనే భయపడిపోయిన జనాలు.. ఇక ఇప్పుడు ఓమిక్రాన్ అనే కొత్త వేరియంట్ వెలుగులోకి వచ్చింది అని ప్రపంచ ఆరోగ్య సంస్థ హెచ్చరించడంతో భయపడిపోతున్నారు. అయితే ఇక ఈ కొత్త వేరియంట్ ఎంతో ప్రమాదకారి అని అందరూ ఎంతో జాగ్రత్తగా ఉండాల్సిన అవసరం ఉంది అంటూ హెచ్చరిస్తున్నారు. ఇక రోజు రోజుకి కొన్ని దేశాలలో ఓమిక్రాన్ వైరస్ కేసుల సంఖ్య అంతకంతకూ పెరిగిపోతు ఉండటం ఆందోళనకరంగా మారిపోయింది. దీంతో అన్ని దేశాల ప్రభుత్వాలు కూడా ఎయిర్పోర్టులో కఠిన ఆంక్షలు అమలులోకి తీసుకు వచ్చాయి.
అయితే ప్రపంచ దేశాలను భయపెడుతున్న కరోనా వైరస్ గురించి ఇటీవలే మరో నిజం బయట పెట్టింది. ప్రపంచ ఆరోగ్య సంస్థ రెండవ దశలో వ్యాప్తిచెందిన డెల్టా వేరియంట్ పోల్చి చూస్తే ఓమిక్రాన్ లో రీ ఇన్ఫెక్షన్ మూడు రెట్లు ఎక్కువగా కనిపిస్తుంది అంటూ డబ్ల్యూహెచ్వో చీఫ్ సైంటిస్ట్ డాక్టర్ సౌమ్య స్వామినాథన్ తెలిపారు. ఓమిక్రాన్ సోకిన వారికి 90 రోజుల తర్వాత మళ్లీ ఇన్ఫెక్షన్ వస్తుందని దక్షిణాఫ్రికా నుంచి వచ్చిన డేటా తో వెల్లడైంది అంటూ ఆమె చెప్పుకొచ్చారు. అయితే దక్షిణాఫ్రికా దేశంలో కొత్త వేరియంట్ ఓమిక్రాన్ కారణంగా చాలా మంది పిల్లలు ఆసుపత్రి పాలు అవుతున్నారు అన్న విషయం డేటా ప్రకారం వెల్లడయింది అంటూ చెప్పుకొచ్చారు.