ఈ క్రమంలోనే ఇటీవల అభ్యర్థుల ఎలక్షన్ అపడవిట్లపై అసోసియేషన్ ఫర్ డెమొక్రటిక్, రీఫార్మ్స్ నేషనల్ ఎలక్షన్ వాచ్ విశ్లేషణ చేసింది. కర్ణాటక కాంగ్రెస్ నాయకుడు వెంకటరమణ రెండోదశ పోలింగ్లో అత్యంత ధనవంతుడు అయిన అభ్యర్థి అన్న విషయాన్ని ఎలక్షన్ కమిషన్ తేల్చింది. హెచ్ డి కుమారస్వామి పై పోటీ చేస్తున్న వెంకటరమణ గౌడ 622 కోట్ల రూపాయల ఆస్తులు కలిగి ఉన్నట్లు అపడవిట్లో పేర్కొన్నారు. ఇక కర్ణాటక కాంగ్రెస్ ఎంపీ డీకే సురేష్ రెండు అత్యంత సంపన్న అభ్యర్థిగా నిలిచారు. ఏకంగా 593 కోట్ల రూపాయల ఆస్తులు కలిగి ఉన్నట్లు అపడవిట్లో పేర్కొన్నారు.
అయితే ఇలా ఎంపీ లేదా ఎమ్మెల్యే అభ్యర్థులుగా పోటీ చేస్తున్న వారి అపడవిట్లో వందల కోట్ల ఆస్తులు ఉన్నాయి అని చూపించడం సర్వసాధారణమే. కానీ ఇక్కడ ఏకంగా ఒక నిరుపేద అభ్యర్థికి సంబంధించిన న్యూస్ వైరల్ గా మారిపోయింది. ఒక స్వతంత్ర అభ్యర్థి ఆస్తి యొక్క విలువ కేవలం 500 రూపాయలు మాత్రమే నట. ఈ విషయం తెలిసి ప్రతి ఒక్కరు కూడా షాక్ అవుతున్నారు. మహారాష్ట్రలోని నాందేడ్ నుండి ఇండిపెండెంట్ అభ్యర్థిగా పోటీ చేస్తున్న లక్ష్మణ్ నాగోరావు పాటిల్ 500 రూపాయల ఆస్తులు మాత్రమే ఉన్నాయి అని ప్రకటించారు. దీంతో రెండో దశలో అత్యల్ప ఆస్తులు కలిగిన అభ్యర్థిగా ఆయన నిలిచారు. ఇక కేరళలోని కాసర గోడ్ నుంచి పోటీ చేస్తున్న మరో స్వతంత్ర అభ్యర్థి రాజేశ్వరి కే.ఆర్ వెయ్యి రూపాయల విలువైన ఆస్తులు కలిగి ఉన్నట్లు తెలిపారు. ఇక అమరావతి నుంచి స్వతంత్ర అభ్యర్థిగా పోటీలో ఉన్న పృథ్వి సామ్రాట్ ముకుందరావు దీప్ వాన్ 1400 రూపాయలు ఆస్తులు కలిగి ఉన్నాడట. రాజస్థాన్లోని జోధ్పూర్ నుంచి పోటీ చేస్తున్న సహనాజ్ భాను 2000 రూపాయల ఆస్తులు, కేరళలోని కొట్టయ్యం నుంచి పోటీ చేస్తున్న విపి కోచ్మోహన్ 2230 రూపాయల ఆస్తులు కలిగి ఉన్నారట.
