మధ్యప్రదేశ్ రాష్ట్రంలోని రాత్లం నుంచి లోక్సభ ఎంపీగా బరిలోకి దిగిన ఆయన కాంగ్రెస్ పార్టీ ప్రకటించిన మహాలక్ష్మి పథకం గురించి ప్రస్తావిస్తూ ఈ వ్యాఖ్యలు చేయడం చాలా బాధాకరం అని సొంత పార్టీ నాయకులే సంజాయిషీ చెప్పుకొనే పరిస్థితి వచ్చింది. ఇంకేముంది, కట్ చేస్తే... ఈ వ్యాఖ్యలపై ప్రత్యర్థి భారతీయ జనతా పార్టీ నేతలు తీవ్ర స్థాయిలో విమర్శలు గుప్పిస్తున్నారు. కాంగ్రెస్ నేతలు ఈ రకమైన మాటలు ఆడడం కొత్తేమి కాదని, దేశ ఆచార సంప్రదాయాలను మంటగలపడంలో కాంగ్రెస్ ఎప్పుడూ ముందుంటుందని ధ్వజమెత్తారు. భారత దేశ సంస్కృతిలో వివాహ వ్యవస్థకి ఒక సముచిత స్థానం ఉందని, దానిని అవహేళన చేసేలా మాట్లాడేవారి పట్ల తగిన చర్యలు తీసుకుంటామని బీజేపీ కాంతిలాల్ భూరియాని ఉద్దేశించి హెచ్చరించింది.
ఇకపోతే కాంతిలాల్ భూరియా భారత జాతీయ కాంగ్రెస్ సభ్యుడు. ఈయన జూలై 2011 వరకు రిపబ్లిక్ ఆఫ్ ఇండియా యొక్క గిరిజన వ్యవహారాల మంత్రిగా పనిచేసారు. 2009లో ప్రధానమంత్రి మన్మోహన్ సింగ్ నేతృత్వంలోని యునైటెడ్ ప్రోగ్రెసివ్ అలయన్స్ -2 ప్రభుత్వంలో క్యాబినెట్ మంత్రి స్థాయికి పదోన్నతి పొందాడు. అంతకు మునుపు అతను వ్యవసాయ మంత్రిత్వ శాఖలో రాష్ట్ర మంత్రిగా మరియు రాష్ట్ర మంత్రిగా పని చేయడం జరిగింది. అంతే కాకుండా వినియోగదారుల వ్యవహారాల మంత్రిత్వ శాఖ, ఆహారం మరియు ప్రజాపంపిణీకి నాయకత్వం వహించాడు. అతనితో పాటు అతని వారసుడు, కొత్త గిరిజన వ్యవహారాల మంత్రి వి కిషోర్ చంద్ర డియో మరొక కాంగ్రెస్ వాది కావడం కొసమెరుపు.