తెలంగాణలో స్థానిక సంస్థల ఎన్నికల  జోరు కొనసాగుతోంది. చాలా గ్రామాల్లో మొదటి విడత ఎన్నికలకు సంబంధించి నామినేషన్ల ప్రక్రియ కూడా కొనసాగుతోంది. దీంతో గ్రామాల్లో లీడర్లంతా హడావిడి చేస్తున్నారు. ఈ విధంగా జరుగుతున్న సమయంలో తొలిరోజే పలు గ్రామాల్లో సర్పంచ్ పదవులకు ఏకగ్రీవ దిశగా అడుగులు పడుతున్నాయి. ఉమ్మడి పాలమూరు జిల్లాలో పలు గ్రామపంచాయతీల పరిధిలో ఆలయాల నిర్మాణాలు, స్మశాన వాటికల స్థలాలు తదితర అభివృద్ధి పనులు పేరిట పెద్దలు చక్రం తిప్పుతూ బహిరంగ వేలం పాటాలకు శ్రీకారం చుట్టారు. పోటీ లేకుండా మూకుమ్మడి నిర్ణయంతో ఏకగ్రీవ తీర్మానాలు చేస్తున్నారు. అదే ఉత్సాహంతో వేలంపాటల్లో కూడా అభ్యర్థులు పాల్గొన్నారు. గతంతో పోలిస్తే వేలంపాటల సంస్కృతి ఈసారి పెరిగే అవకాశం ఉన్నట్టు తెలుస్తోంది. 

ముఖ్యంగా పంచాయతీ సర్పంచ్, ఉప సర్పంచ్ వారి స్థానాలు ఏదైనా వేలంపాట సరికాదని ఎన్నికల అధికారులు చెబుతూ వస్తున్నారు. ఎవరు ఎక్కువగా డబ్బులు చెల్లిస్తే వారికే పదవి అంటూ వేలంపాట చట్ట విరుద్ధమని ఎన్నికల అధికారులు తెలియజేస్తున్నారు. ముఖ్యంగా చాలా గ్రామాల్లో కొంతమంది పెద్దలు కలిసి గ్రామస్తుల నిర్ణయాలను  తీసుకోకుండా వారికి వారే వేలంపాటలు నిర్వహిస్తూ వచ్చిన డబ్బులను తలా ఇన్ని పంచుకుంటున్నారని తెలుస్తోంది. అలా గ్రామంలోని యువకులు,ఇతర వ్యక్తులు అసలు ఎలా ఏకగ్రీవాలు చేస్తారని,మేము ఓట్లు వేయాలనుకుంటున్నామని, మాకు మీరు ఏకగ్రీవం చేసి ఎన్నుకున్న వ్యక్తి నచ్చడం లేదని మా ఓటు హక్కుకి విలువ లేదా అంటూ ఎదురు తిరుగుతున్నారు. ఇదే తరుణంలో స్పందించినటువంటి ఎలక్షన్ కమిషన్ అలాంటి ఏకగ్రీవాలను మేము ఆమోదించబోమని,అలా తీర్మానం చేసిన వ్యక్తులపై కేసులు కూడా నమోదు చేసి జైల్లోకి పంపిస్తామని హెచ్చరిస్తోంది.

ఏకగ్రీవం అనేది ఊరి ప్రజలందరి ఏకతాటి నిర్ణయం పైనే చేయాలని అలా చేస్తే ప్రభుత్వం నుంచి పారితోషికం కూడా అందిస్తామని ఎలక్షన్ కమిషన్ చెప్పుకొస్తోంది. అయితే చాలా వరకు సోషల్ మీడియాలో యువకులు మా ఓటు హక్కు విలువ లేదా.. మేము మనుషులం కాదా..ఎందుకు మా నిర్ణయం తీసుకోకుండా ఏకగ్రీవ తీర్మానాలు చేస్తారు. ఊరి పెద్దలు ఏమైనా ఎలక్షన్ కమిషన్ అధికారులా అంటూ మండి పడుతున్నారు. ఈ విధంగా ఏకగ్రీవమైన సర్పంచ్ స్థానాల్లో ఏదైనా తీర్మానాలు చేసి పెద్దలు ఎంటర్ అయి ప్రజల నిర్ణయం కాకుండా సర్పంచ్ ని ఏకగ్రీవం చేస్తే మాత్రం తప్పకుండా చర్యలు తీసుకుంటామని ఎలక్షన్ కమిషన్ హెచ్చరిస్తోంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

TELANGANA SARPANCH ELECTIONS SARPANCH YNANITY ELECTION CMMISSION

Pandrala Sravanthi

29/11/2025 08:54 AM