లియోనల్ మెస్సి తన చివరి వరల్డ్ కప్ ను ఎంతో అద్భుతంగా ముగించాడని.. ఇక చిరకాల కలగా ఉన్న ప్రపంచకప్ ని సాధించి తనకు తిరుగులేదు అని నిరూపించాడని ఎంతోమంది ప్రశంసలు కురిపిస్తున్నారు. అయితే అర్జెంటీనా ఫ్రాన్స్ మధ్య మ్యాచ్ జరుగుతున్న సమయంలో ఎంతో మంది ఇతర జట్ల అభిమానులు సైతం మెస్సి పక్షాన నిలబడి జట్టుకు మద్దతు తెలిపారు. ఎంతోమంది ఇక మెస్సి పై ప్రశంసలు కురిపిస్తూ ఉండగా ఇక మరో దిగ్గజ ప్లేయర్ అయిన క్రిస్టియనో రోనాల్డో సైతం మెస్సి అద్భుతమైన విజయం పై స్పందిస్తూ ప్రశంసించాడు.
ప్రపంచ కప్ స్టార్ గా కాకుండా ఒక యుగానికి నాయకత్వం వహించిన మేధావికి విలువైన వీడ్కోలు దక్కింది. నిజంగా మెస్సి కి అభినందనలు అంటూ సోషల్ మీడియా వేదికగా స్పందించాడు రోనాల్డో అయితే మరో స్టార్ ప్లేయర్ అయినా క్రిస్టియనో రోనాల్డో కి కూడా ఇదే చివరి వరల్డ్ కప్ అన్న విషయం తెలిసిందే అయితే వరల్డ్ కప్ లో భాగంగా మోరాకో చేతిలో పరాజయం పాలైన పొర్చుగాల్ జట్టు సెమీఫైనల్ చేరకుండానే నిష్క్రమించింది. దీంతో మెస్సి వరల్డ్ కప్ సాధించినప్పటికీ క్రిస్టియనో రోనాల్డో కు మాత్రం వరల్డ్ కప్ కలగానే మిగిలిపోయింది.
