വയനാടിന്റെ സൗന്ദര്യം മുഴവൻ ആവാഹിച്ചിരിക്കുന്നത് കാടിന്റെ മടിത്തട്ടിലാണ് .വയനാടിനെ അറിയാൻ ആഗ്രഹിക്കുന്നവർ കാടുകളിലേക്ക് നേരെ പോയാൽ മതി . തോൽപ്പെട്ടി പ്രദേശത്തെ കാടിന് ഒരു പ്രതേകതരം വശ്യതയാണ് . ഓരോ ഭാഗത്തും കാട് ഓരോ രീതിയിലാണ്. ചിലയിടങ്ങളിൽ ഇല്ലിക്കാടുകളാണെങ്കിൽ ചിലയിടങ്ങളിൽ കുറ്റികാടുകളാണ് .
കൊഡക്‌ റോഡിൽ മാനന്തവാടിയിൽ നിന്ന് 20 കിലോമീറ്റർ കിഴക്കായി സ്‌ഥിതി ചെയുന്ന വന്യജീവി സങ്കേതമാണ് തോൽപ്പെട്ടി. വയനാട് വന്യ ജീവി സങ്കേതം എന്ന പേരിലും അറിയപ്പെടുന്നു .വിവിധയിനം വന്യജീവികളുടെ ആവാസ കേന്ദ്രവും ,ആനകളുടെയും പുലികളുടെയും ഇടവും കൂടിയാണ് . കർണാടകയുടെ കൂർഗ് ജില്ല വരെ വ്യാപിച്ച്‌ കിടക്കുന്ന പ്രദേശമാണ് തോൽപ്പെട്ടി . ആന, കാട്ടുപോത്ത്‌ ,മാൻ ,പുലി ,കടുവ തുടങ്ങിയ മൃഗങ്ങൾ യഥേഷ്ടം വിഹരികുന്നത് ഇവിടെ നമുക്ക് കാണാം.
വനത്തിനുള്ളിലൂടെയുള്ള സഫാരിയാണ് ഇവിടുത്തെ പ്രധാന പ്രത്യേകതയും മികച്ച ആകർഷണവും .സ്വന്തം വാഹനത്തിലോ, വനവകുപ്പു ജീവനക്കാരുടെ ജീപ്പിലോ വനത്തിനുള്ളിൽ പ്രവേശിക്കാം.7 പേർക്ക് ഒരു ജീപ്പിൽ യാത്ര ചെയ്യാം . ഒരു നിശ്ചിത പരിധി വരെ മാത്രമേ കാടിനുള്ളിൽ സന്ദർശകരെ കടത്തി വിടുകയുള്ളു . ട്രെക്കിങ് ,പക്ഷിനിരീക്ഷണം തുടങ്ങിയ കാര്യങ്ങൾ ഇവിടെയെത്തുന്ന വിനോദ സഞ്ചാരികൾകയായി ഒരുക്കിയിട്ടുണ്ട് . രാവിലെ 7 മുതൽ 10 വരെയും ,വൈകുന്നേരം 2 മുതൽ 5 വരെയുമാണ് വനത്തിനുള്ളിൽ പ്രവേശനാനുമതി.
click and follow Indiaherald WhatsApp channel