ఇటీవలే ఢిల్లీ తో జరిగిన మ్యాచ్ లో 16 పరుగుల తేడాతో విజయం సాధించింది రాయల్ చాలెంజర్స్ బెంగళూరు జట్టు. ఈ క్రమంలోనే విజయంతో మ్యాచ్ అనంతరం డ్రెస్సింగ్ రూమ్ లో సంబరాలు చేసుకున్నారు ఆర్సిబి ఆటగాళ్లు. ఇక ఈ సమయంలోనే బెంగళూరు మాజీ కెప్టెన్ విరాట్ కోహ్లీ ప్రస్తుత కెప్టెన్ డూప్లెసిస్ ను ఒక కోరిక కోరాడు. తనను సర్కిల్ లోపలే ఉంచాలి అంటూ అడిగాడు. ఇన్నింగ్స్ లో భాగంగా 16 ఓవర్లలో మహమ్మద్ సిరాజ్ వేసిన బంతిని సిక్సర్ కొట్టాలని భావించాడు ఢిల్లీ క్యాపిటల్స్ కెప్టెన్ రిషబ్ పంత్. ఈ క్రమంలోనే కోహ్లీ తల మీదుగా బంతి వెళ్తున్న సమయంలో అమాంతం గాల్లోకి ఎగిరిన విరాట్ కోహ్లీ ఒంటిచేత్తో అద్భుతమైన క్యాచ్ అందుకున్నాడు.
దీనికి సంబంధించిన వీడియో కాస్త సోషల్ మీడియాలో తెగ వైరల్ గా మారిపోయింది. ఇక రిషబ్ పంత్ ఔటయ్యాక ఢిల్లీ బ్యాటింగ్ విభాగం మొత్తం కుప్పకూలిపోయింది. అయితే ఇక విజయం తర్వాత సంబరాలలో కోహ్లీ మాట్లాడుతూ అందరం ఇదే సెంటిమెంట్ ఫాలో అవుదామని.. ప్రతి మ్యాచ్ లోనూ అక్కడే తనను ఫీల్డింగ్ పెట్టాలంటూ సరదాగా కోరాడు. ఇక ఇదే సమయంలో తన మిత్రుడు మాజీ ప్లేయర్ ఏబీ డివిలియర్స్ ని కూడా గుర్తు చేసుకున్నాడు విరాట్ కోహ్లీ. అప్పట్లో డివిలియర్స్ ఒక్కడు మాత్రమే చేసే పని ఇప్పుడు జట్టులో ఇద్దరు ముగ్గురం కలిసి చేస్తున్నాము అంటు తెలిపాడు. దీనికి సంబంధించిన వీడియో కాస్త ప్రస్తుతం వైరల్ గా మారిపోయింది..
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి