అనంతరం మొదటి ఇన్నింగ్స్ ఆడిన పాకిస్తాన్... ఇంగ్లాండ్ కు ధీటుగా సమాధానం ఇచ్చి పరుగులకు 579 ఆల్ అవుట్ అయింది. షఫీక్ , ఇమామ్ఉల్ హాక్ మరియు అజామ్ లు సెంచరీలు సాధించారు. రెండవ ఇన్నింగ్స్ ను ఇంగ్లాండ్ 78 పరుగుల స్వల్ప ఆధిక్యంతో ప్రారంభించగా, కేవలం 7 వికెట్లకు 264 పరుగుల వద్ద ఇన్నింగ్స్ ను డిక్లేర్ చేశారు. దీనితో 342 పరుగుల భారీ లక్ష్యంతో రెండవ ఇన్నింగ్స్ ను కొనసాగించిన పాకిస్తాన్ ఏ దశలోనూ మ్యాచ్ ను గెలుచుకోవడానికి ప్రయత్నించలేదు. డిఫెన్స్ మోడ్ లోనే ఆడుతున్న పాకిస్తాన్ ను ఇంగ్లాండ్ క్రమంగా వికెట్లు తీస్తూ ఒత్తిడి పెంచుతూ వచ్చింది.
ఆఖరి రోజుకు వచ్చే సరికి ఓవర్ కు 3 పరుగులు చేస్తే గెలుస్తుంది అనుకుంటున్న సమయంలో వికెట్లను కాపాడుకోలేక మ్యాచ్ ను పోగొట్టుకుంది. అయితే ఇంగ్లాండ్ మాత్రం ఏ దశలోనూ ఆత్మవిశ్వాసాన్ని కోల్పోకపోవడం గమనార్హం. ఇక పాకిస్తాన్ అభిమానులు అయితే గెలవడం కష్టం కానీ డ్రా అయినా చేసుకుంటుంది అని భావించారు. అయితే పాక్ అభిమానుల ఆశలను నీరుగారుస్తూ లక్ష్యానికి 74 పరుగుల దూరంలో ఆగిపోయి మ్యాచ్ ను చేజార్చుకుని సిరీస్ ను పోగొట్టుకునే స్థితికి పడిపోయింది.
