ఇక మధ్య ఓవర్ లలో చాలా బాగా కంట్రోల్ చేసిన ఇండియా బౌలర్లు ఆఖరి ఓవర్ లో మాత్రం పూర్తిగా అదుపు తప్పి బౌలింగ్ చేశాడు యంగ్ బౌలర్ అర్ష్ దీప్ సింగ్.. 19 ఓవర్లు ముగిసే సమయానికి కివీస్ స్కోర్ 149 పరుగులు మాత్రమే ఉంది. కనీసం 20 వ ఓవర్ లో మరో 10 పరుగులు చేసినా 160 దగ్గరకు వస్తుంది. ఇండియా కు చేజింగ్ చేయడం కొంచెం సులభం అవుతుంది అనుకున్నారు అభిమానులు. క్రీజులో అప్పటికే ఫామ్ లో ఉన్న డారిల్ మిచెల్ స్ట్రైకింగ్ లో ఉన్నాడు. కానీ ఆర్ష్ దీప్ సింగ్ కు ఏమైందో ఏమో మొదటి బంతిని నో బాల్ వేయడంతో పాటు సిక్సర్ ఇచ్చాడు, నో బాల్ కు ఫ్రీ హిట్ కావడంతో మళ్లీ సిక్సర్ బాదాడు.. మళ్లీ మరో సిక్సర్ ఇచ్చాడు... చాలా పూర్ బౌలింగ్ తో స్లాట్ బాల్స్ వేస్తూ పరుగులు ఇచ్చాడు అర్శ్ దీప్ సింగ్.
అలా ఆఖరి ఓవర్ లో డారీల్ మిచెల్ మొత్తం 27 పరుగులు పిండుకున్నాడు. అలా కివీస్ నిర్ణీత ఓవర్ లు ముగిసే సమయానికి 6 వికెట్ల నష్టానికి 176 పరుగులు చేసింది. ఆఖరి ఓవర్ లో అర్ష్ దీప్ సింగ్ బౌలింగే ఇండియా ఓటమి పాలు కావడానికి ప్రధాన కారణం అయింది. ఆ తర్వాత ఇండియా ఆటగాళ్ళు ఈ పరుగులను చేదించడంలో పూర్తిగా తడబడ్డారు. మొదటి పవర్ ప్లే లోనే మూడు వికెట్లు కోల్పోయి ఓటమిని కొనితెచ్చుకుంది. ఆఖరికి 155 పరుగులు చేసి 21 పరుగుల తేడాతో మొదటి టీ 20 లో ఘోరంగా ఓడిపోయింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి