ఇలా అద్భుతమైన ఫామ్ కనబరిచాడు కాబట్టే ఇక ఇప్పుడు ఐసీసీ టీ20 ర్యాంకింగ్స్ లో అగ్రస్థానాన్ని సొంతం చేసుకున్నాడు. గత కొంతకాలం నుంచి ఇలా నెంబర్ వన్ స్థానాల్లోనే కొనసాగుతూ ఉన్నాడు అని చెప్పాలి. అలాంటి సూర్య కుమార్ యాదవ్ మొన్నటి వరకు వన్డే ఫార్మాట్లో పెద్దగా చెప్పుకోదగ్గ ప్రదర్శన చేయలేదు. దీంతో సూర్యకుమార్ యాదవ్ కేవలం టి20 లకు మాత్రమే పనికొస్తాడని వన్డే ఫార్మాట్ కి సెట్ కాడు అంటూ విమర్శలు వచ్చాయి. అయితే ఇప్పుడు అతని ప్రదర్శన చూస్తుంటే టి20 ఫార్మాట్లో సైతం సూర్యకుమార్ నిరాశ పరుస్తున్నాడు అన్నది తెలుస్తుంది.
ప్రస్తుతం ఐపీఎల్ లో ముంబై ఇండియన్స్ జట్టులో స్టార్ బ్యాట్స్మెన్ గా కొనసాగుతున్న సూర్య కుమార్.. వరుస వైఫల్యాలతో ఇబ్బంది పడుతూనే ఉన్నాడు. సాధారణంగా ఏ ఆటగాడు అయినా సరే అటు పేలవమైన ఫామ్ లో ఉన్నప్పుడు తక్కువ పరుగులు చేసి వికెట్ కోల్పోవడం చూస్తూ ఉంటాం. కానీ సూర్య కుమార్ మాత్రం ఏకంగా పరుగుల ఖాతా తెరవకుండానే డకౌట్ అవుతూ ఉండటం మాత్రం అందరిని ఆశ్చర్యానికి గురిచేస్తుంది. గత ఆరు ఇన్నింగ్స్ లో సూర్యకుమార్ కు ఇది నాలుగో గోల్డెన్ డకౌట్ కావడం గమనార్హం . పేలవా ఫామ్ ఓకే కానీ ఇలా గోల్డెన్ డకౌట్ అవ్వడం ఏంటి అని ఫ్యాన్స్ సైతం సోషల్ మీడియాలో అతన్ని ప్రశ్నిస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి