ఇంగ్లాండ్ అభిమానులు వరుస కామెంట్లు పెడుతున్నారు. 'ఆస్ట్రేలియా జట్టుది కపట బుద్ది అని.. గెలుపు కోసం ఎంతకైనా తెగిస్తారంటూ చేసిన వ్యాఖ్యలు వైరల్ అవుతున్నాయి. దీనిపై 'ద వెస్ట్ ఆస్ట్రేలియన్' అనే పత్రిక బెన్ స్టోక్స్ ఫోటోను మార్ఫింగ్ చేసి 'క్రైబేబీస్' అనే శీర్షికతో ఓ కథనాన్ని ప్రచురించింది. అయితే ఇప్పుడు ఆసీస్ చేసింది తప్పు అయితే అప్పుడు ఇంగ్లాండ్ కపటత్వం చూపించిందని పాత వీడియోలు షేర్ చేస్తూ ఆసీస్ అభిమానులు కామెంట్లు పెడుతున్నారు. 2022లో న్యూజిలాండ్తో జరిగిన టెస్టులో ఇంగ్లండ్ స్పిన్నర్ జాక్ లీచ్ వేసిన బంతిని హెన్రీ నికోల్స్ స్ట్రెయిట్ షాట్ ఆడాడు. అయితే దురదృష్టవశాత్తూ బంతి నాన్స్ట్రైక్ ఎండ్లో ఉన్న డారిల్ మిచెల్ బ్యాట్ను తాకి ఫీల్డర్ చేతుల్లోకి వెళ్లింది. ఇంగ్లాండ్ ఆటగాళ్లు అప్పీల్ చేయడంతో అంపైర్ ఔటిచ్చాడు. వెంటనే హెన్రీ నికోల్స్ నిరాశగా పెవిలియన్ చేరాడు. అయితే అప్పుడు ఇంగ్లాండ్ అలోచించి అప్పీల్ ను వెనక్కి తీసుకోవచ్చు. కానీ ఇంగ్లాండ్ అలా చేయలేదు. అయితే అభిమాని షేర్ చేసిన వీడియోపై ఆకాశ్ చోప్రా స్పందించాడు. ''క్రీడాస్పూర్తి అనే పదాన్ని భుజాలపై ఎత్తుకొని వాదిస్తున్న ఇంగ్లండ్ ఆటగాళ్లు ఈ వీడియోపై స్పందించండి. ఇప్పుడు ఆసీస్ చీటింగ్ చేసిందని అంటున్నారు.. న్యాయంగా మీరు ఆరోజు చేసింది కూడా చీటింగ్ కిందే వస్తుంది. మీ కపటత్వాన్ని చాటిచెప్పే పలు వీడియోలు ఇక్కడ ఉన్నాయి.అందులో ప్రస్తుత ఆటగాళ్లలో కొందరు భాగస్వాములుగా ఉన్నారు. ఇంగ్లీష్ క్రికెట్ కపటత్వం, అర్హత యొక్క భావం నా దృష్టిలో వేరే విషయం.'' అని చెప్పుకొచ్చాడు. ప్రస్తుతం క్రికెట్ లో బెయిర్స్టో రన్ అవుట్ ట్రెండింగ్ అవుతుంది. మాజీలు అందరూ స్పందిస్తుండడంతో ఈ వ్యవహారం మరింత వేడెక్కుతుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి