ఇదిగో వస్తాడు అదిగో వస్తాడు అని అభిమానులు షమి పునరాగమనం కోసం ఎదురు చూడటం తప్ప.. ఇక అతను గాయం నుంచి ఇప్పటికి పూర్తిగా కోలుకోలేదు చివరికి ఐపీఎల్ టోర్నీ కి కూడా దూరం అయిపోయాడు అన్న విషయం తెలిసిందే. ఇలా మొన్నటి వరకు గాయం నుంచి కోలుకుంటాడా లేదా అనే విషయంపై వార్తల్లో హాట్ టాపిక్ గా మారగా.. ఇక ఇప్పుడు మరో పర్సనల్ విషయంలో మహమ్మద్ షమీ వార్తల్లో నిలిచాడు. ఏకంగా విడాకులు ఇచ్చి షమీ నుంచి వేరుపడిన అతని భార్య స్టార్ ప్లేయర్ మహమ్మద్ షమీపై సంచలన ఆరోపణలు చేసింది.
ఈ క్రమంలోనే క్రికెటర్ శమీ మాజీ భార్య హసిన్ జహాన్ చేసిన ఆరోపణలు కాస్త ఇప్పుడు సోషల్ మీడియాలో వైరల్ గా మారిపోయాయి. శమీ నన్ను హత్య చేసేందుకు ప్లాన్ చేస్తున్నాడు. యూపీ పోలీసుల సహాయంతో అతడు ఈ పథకం రచిస్తున్నాడు అంటూ హసీన్ జహాన్ సంచలన వ్యాఖ్యలు చేసింది. కాగా స్టార్ క్రికెటర్ మహమ్మద్ షమి, హసీన్ జహాన్ తో 2014లో పెళ్లి జరిగింది. 2015లో వీరికి ఒక కూతురు కూడా పుట్టింది. ఈ క్రమంలోనే 2018లో షమి అదనపు కట్నం కావాలని వేధింపులకు గురి చేస్తున్నాడు అంటూ అతనిపై భార్య కేసు పెట్టింది. ఇక అప్పటి నుంచి మహమ్మద్ షమీ భార్యతో దూరంగా తల్లితో కలిసి ఉంటున్నాడు అని చెప్పాలి.
