బుల్లితెరమీద మహారాణిగా వెలుగొందుతోంది కార్తీక దీపం సీరియల్ నటి వంటలక్క ప్రేమి విశ్వనాథ్. ఈ కేరళ కుట్టి క్రేజ్ మాములుగా లేదు. ఎక్కడ చూసిన వంటలక్క పేరే మారుమ్రోగుతోంది. అటు సోషల్ మీడియాలోనూ.. ఇటు బుల్లితెరమీద వంటలక్కే ప్రాముఖ్యంగా మారింది. రేపు ఏమవుతుందోనని ఉత్సాహం కలిగించడంలో ఈ సీరియల్ కు నెంబర్ 1 ప్లేస్ ఇవ్వొచ్చు. అందుకేనేమో ఈ సీరియల్ కు దేశవ్యాప్తంగా అంతమంది ఫ్యాన్స్ ఫాలోయింగ్ ఏర్పడింది. కాదు కాదండోయ్ సీరియల్ కు ఫాన్స్ ఉన్నారో లేదో పక్కన పెడితే అందులో ఉండే వంటలక్కకే ఎక్కువ మంది ఫ్యాన్స్ ఉన్నారని చెప్పడంలో ఎలాంటి సందేహం లేదు. అందుకే బుల్లితెర బాహుబలిగా ఈ చిన్నది పేరు తెచ్చుకుంది.

భాషరాకున్నా.. భావాన్ని పలికిస్తూ.. ప్రేక్షకులను ఎంతగానో ఆకట్టుకుంటోది ఈ కేరళ కుట్టి. ఎంత సహనంగా ఉంటుందో.. కోపం వస్తే అందరినీ అంతం చేసేంత ఉగ్రరూపంలోకి మారిపోతూ ఉంటుంది వంటలక్క. అందులోనూ వంటలక్క కోపంగా ఉన్నప్పుడు చూడాలి ప్రేక్షకుల ముఖ చిత్రాలు.. చంపు వంటలక్కా.. చంపు నీ జీవితాన్ని నాశనం చేసిన మోనిత అంతు ఈ రోజు అటో ఇటో తేల్చేయి అంటూ ఆవేశపడిపోతుంటారు ఆమె అభిమానులు. అంతగా అడిక్ట్ అయ్యారు ప్రేక్షకులు. అందుకే కదా ఈ సీరియల్ అత్యధిక రేటింగ్ తో దూసుకుపోతోంది. తెలుగు ప్రేక్షకుల మనసును అలవోకగా దోచుకుంది ఈ చిన్నది. ఇంత ఫాన్స్ ఫాలోయింగ్ ను తెచ్చుకున్న వంటలక్క గురించి అయితే తెలుసు గాని ఆమె భర్త ఎవరనేది ఎంతమందికి తెలుసు..

ఖచ్చితంగా ఇదైతే చాలా తక్కువ మందికే తెలుసుకదా.. దీప గా ప్రేమి విశ్వనాథ్ ఎంత ఫేమసో ఆమె భర్త కూడా అంతే ఫేమస్సేనండోయ్. ప్రేమి విశ్వనాథ్ భర్త డాక్టర్ వినీత్. ఈయన ప్రాముఖ్యత పొందిన జ్యోతిష్యులు. వంటలక్క భర్త వినీత్ కు 2017 లో వరల్డ్ బెస్ట్ అస్ట్రాలజర్ గా కూడా మాంచి గుర్తింపును అందుకున్నారు. అయితే ప్రేమి విశ్వనాథ్ తన భర్త గురించి ఆశ్చర్యకరమైన విషయాలను చెప్పుకొచ్చింది. ఈ రోజు నటిగా మనముందు ఉండానికి కారణం తన భర్త వినీతే కారణమట. ఆయన సహకారం లేకపోతే తనకు ఇంతమంచి పేరు ప్రఖ్యాతలు వచ్చేవే కాదని చెప్పింది వంటలక్క ప్రేమి విశ్వనాథ్. ఈ ముద్దుగుమ్మ యాక్టింగ్ కు తెలుగు, మళయాళంలో  ఫ్యాన్స్ ఫాలోయింగ్ భారీ స్థాయిలో ఉంది.