చైనాకు చెందిన ప్రముఖ స్మార్ట్‌ ఫోన్ దిగ్గజం,వన్ ప్లస్ సిరీస్ లో తాజాగా వచ్చిన ఫోన్ వన్ ప్లస్ 7టీ. ఈ సంవత్సరం మేలో విడుదలైన వన్ ప్లస్ 7కు తర్వాతి వెర్షన్ గా ఈ ఫోన్ ను విడుదల చేశారు. ఆ లాంచ్ ఈవెంట్ లోనే వన్ ప్లస్ 7టీ ప్రోని కూడా విడుదల చేస్తారని ఊహాగానాలు వచ్చినా దానికి సంబంధించిన ఒక్క విషయాన్ని కూడా ఆ ఈవెంట్ లో తెలపలేదు.
అయితే అక్టోబర్ 10న ఇంగ్లండ్ లోని లండన్ లో ఈ ఈవెంట్ జరగనున్నట్లు సమాచారం.వన్ ప్లస్ 7 ప్రో మాదిరిగానే వన్ ప్లస్ 7టీ ప్రో కూడా ఉండనున్నట్లు తెలుస్తోంది.ఇక వన్ ప్లస్ 7టీ ప్రోలో కూడా వన్ ప్లస్ 7 ప్రోలో మాదిరిగానే నాచ్ లేని అమోఎల్ఈడీ, డిస్ ప్లే, 90 హెర్ట్జ్ స్క్రీన్ రిఫ్రెష్ రేట్, పాపప్ సెల్ఫీ కెమెరా ఫీచర్లు ఉండనున్నాయని టెక్ నిపుణులు అంచనాలు వేస్తున్నారు.
వన్ ప్లస్ 7ప్రోతో పోలిస్తే మరింత మెరుగైన కెమెరాలు ఇందులో అందించనున్నారని తెలుస్తోంది. అంతేకాకుండా స్నాప్ డ్రాగన్ 855+ ప్రాసెసర్, 4,080 ఎంఏహెచ్ బ్యాటరీ, అది వేగంగా చార్జింగ్ అవ్వడానికి Warp Charge 30T ఫీచర్లు కూడా ఇందులో ఉండే అవకాశం ఉందట.ఈ ఏడాది మేలో విడుదలైన వన్ ప్లస్ 7, వన్ ప్లస్ 7 ప్రోలకు సక్సెసర్‌ వర్షన్లుగా ఈ ఫోన్లు లాంచ్ కానున్నాయి. అద్భుతమైన ఫీచర్స్‌తో ఈ మోడల్స్‌ను మన ముందుకు తీసుకొస్తోంది వన్‌ప్లస్‌..ఆండ్రాయిడ్‌ 10 ఆపరేటింగ్‌ సిస్టమ్‌తో రిలీజ్ కానున్న తొలి స్మార్ట్‌ ఫోన్ వన్ ప్లస్ టి అన్న ప్రచారం కూడా జరుగుతోంది.
వన్ ప్లస్ 7టీ ప్రోకి సంబంధించి వార్తలు రావడం ఇదేమి మొదటిసారి మాత్రం కాదు. హెచ్ డీఎఫ్ సీ బ్యాంకు ఆఫర్ల ద్వారా వన్ ప్లస్ అధికారిక వెబ్ సైట్, వన్ ప్లస్ అధికారిక స్టోర్లు, క్రోమా వంటి భాగస్వామ్య స్టోర్లు, రిలయన్స్ డిజిటల్ స్టోర్లలో ఈ ఫోన్ ను కొనుగోలు చేయవచ్చని ఆ బ్యాంక్ ఆఫర్ల పేజీలో కనిపించింది. అంటే ఫోన్ లాంచ్ కానున్న రోజే మనం ఆ ఫోన్ ను కొనుగోలు చేయవచ్చన్న మాట. అయితే అమెజాన్ లో మాత్రం ఈ ఫోన్ అక్టోబర్ 15 నుంచి అమ్మకానికి రానుందని సమాచారం..
ఇక ధర విషయానికి వస్తే.. వన్ ప్లస్ 7 ప్రో ప్రారంభ వేరియంట్ అయిన 8 జీబీ ర్యామ్, 256 జీబీ స్టోరేజ్ వేరియంట్ ధర ప్రస్తుతం రూ.48,999గా ఉంది. కాబట్టి వన్ ప్లస్ 7టీ ప్రో ధర అంతకంటే కాస్త ఎక్కువగా ఉండవచ్చు. దీని ధర రూ.50 వేల కంటే కాస్త ఎక్కువగా ఉండవచ్చని అందరూ అనుకుంటున్నారు. అయితే హెచ్ డీఎఫ్ సీ బ్యాంక్ కార్డులపై ఈ మొబైల్ కొనుగోలు చేసే వారికి రూ.3,000 ఇన్ స్టంట్ డిస్కౌంట్ లభించనుంది. ఈ విషయాన్ని హెచ్ డీఎఫ్ సీ బ్యాంక్ అధికారికంగా ప్రకటించింది.మరి ఇంకెందుకు ఆలస్యం పండగవేళ కొత్తఫోను కొనేసి పండగ చేసుకుందాం..!
