ఇండియా హెరాల్డ్ అందిస్తున్న ఈ న్యూస్ చదవండి.. కొంతమంది మనుషులు ఉంటారు. తమ చేసే పనిని ఎంతగానో ఇష్టపడతారు. ఎంతలా అంటే వారు ఆ పని కోసం ఎంత డెడికేషన్ అయినా చూపిస్తూ వుంటారు. వృత్తిని ప్రేమించే వ్యక్తులకు వయస్సుతో పనిలేదని చెప్పేందుకు ఈ పెద్దాయనే నిదర్శనం. మహారాష్ట్రలోని చంద్రపూర్‌లో నివసిస్తున్న రామచంద్ర దనేకర్ అనే ఈ హోమియోపతి డాక్టర్ 87 ఏళ్ల వయస్సులో సైతం వైద్యం అందిస్తూనే ఉన్నారు. ఈ వయస్సులో కరోనా సోకితే.. ప్రాణాలకే ముప్పని తెలిసినా కూడా.. ఆయన ఏ మాత్రం వెనకడుగు వేయకుండా రోగులకు వైద్యం అందిస్తున్నాడు. తన సైకిల్‌పై ఇంటింటికి వెళ్తూ.. కరోనాతో బాధపడుతున్న పేద రోగులకు చికిత్స చేస్తున్నారు.



రోజూ సుమారు 10 కిలోమీటర్లు ఆయన సైకిల్ మీద ప్రయాణిస్తున్నారు. ఈ సందర్భంగా ఆయన మాట్లాడుతూ.. ‘‘గత 60 ఏళ్లలో రోజూ దాదాపు అన్ని గ్రామాలను సైకిల్‌పై చుట్టేసేవాడిని. కోవిడ్-19 వల్ల వైద్యులు పేద రోగులకు చికిత్స అందించేందుకు వెనకాడుతున్నారు. కానీ, నాకు అలాంటి భయం లేదు. నేటి యువ వైద్యులు కేవలం డబ్బుల కోసమే పనిచేస్తున్నారు. పేదలకు సేవలు చేయాలనే ఆలోచన వారికి లేదు’’ అని రామచంద్ర అన్నారు.



ఇంత వయస్సులో కూడా ఆయన సైకిల్ తొక్కుతూ కరోనా వంటి భయానక వైరస్‌కు చికిత్స అందిస్తున్నారంటే నిజంగా గ్రేట్ అనే చెప్పాలి.. ఇలాంటి మరెన్నో వైరల్ వార్తల కొరకు ఇండియా హెరాల్డ్ గ్రూప్ ని ఫాలో అవుతూనే ఉండండి..





https://youtu.be/AlayHW3NOh0






మరింత సమాచారం తెలుసుకోండి: