ఒక ఏనుగుల మంద రోడ్డు దాటుతూ ఉంది. ఈ క్రమంలోనే అక్కడ వాహనాలు మొత్తం ఒక్కసారిగా ఆగిపోయాయ్.. ఇలాంటి సమయంలోనే ఒక యువకుడు కాస్త ఓవర్ యాక్షన్ చేశాడు. ఏనుగుల గుంపు వెనక ఉన్న సమయంలో కాస్త దగ్గరగా వెళ్లి సెల్ఫీ తీసుకోవాలని ప్రయత్నించాడు. ఈ క్రమంలోనే ఆ ఏనుగుల గుంపు ఒక్కసారిగా వారి మీదికి దూసుకు వచ్చేందుకు ప్రయత్నించాయ్. అదృష్టవశాత్తు ఆ ఏనుగుల గుంపు వారిపై దాడి చేసేందుకు ప్రయత్నించలేదు అనే చెప్పాలి. కాసేపటి వరకూ వారి మీదికి దూసుకు వచ్చిన ఏనుగుల గుంపు ఆ తర్వాత అక్కడే ఆగి దూరం నుంచి వెళ్లిపోయాయ్.
ఇందుకు సంబంధించిన వీడియో ట్విట్టర్లో పోస్ట్ చేయడంతో ఈ వీడియో కాస్త ప్రస్తుతం సోషల్ మీడియాలో వైరల్ గా మారిపోయింది అని చెప్పాలి. ఇక ఈ వీడియోని ఒక ఐఏఎస్ అధికారి ట్విట్టర్ లో షేర్ చేయగా.. వన్యప్రాణులతో సెల్ఫీ పిచ్చి ని చూపించడం చాలా ప్రమాదకరం అంటూ చెప్పుకొచ్చారు. యువకులు చాలా అదృష్టవంతులు ఈ ఏనుగులు వారిని క్షమించి వదిలేశాయి. లేదంటే వారికి గుణపాఠం చెప్పడానికి వాటికి ఎంతో సమయం పట్టేది కాదు అంటూ సదరు ఐఏఎస్ అధికారి రాసుకొచ్చారు. ట్విట్టర్ లో వైరల్ గా మారిన ఈ వీడియో కాస్త ఎంతోమంది దృష్టిని ఆకర్షిస్తోంది.