ఆడవాళ్లు ముఖ్యంగా ఎదుర్కునే ప్రధాన సమస్య  రక్తహీనత. సమయానికి తినకపోవడం, పోషక పదార్ధాలు ఉన్న ఆహారపదార్ధాలు తినకపోవడం వల్ల ఈ సమస్య వస్తుంది. మహిళల చర్మం కాంతి వంతంగా మెరవాలంటే క్రీమ్స్,పౌడర్లు వాడితే సరిపోదు.శరీరంలో రక్త శాతం కూడా సరిపడా ఉండాలి అప్పుడే చర్మం కూడా ప్రకాశవంతంగా మెరుస్తుంది.. మన రక్తంలో ఉండే హిమోగ్లోబిన్ స్థాయి తగ్గితే అనేక రకాలు అయిన అనారోగ్య సమస్యలు వస్తాయి.ఆడవాళ్ళలో సాధారణంగా హిమోగ్లోబిన్ 12-14 % ఉండాలి. ఈ లెవెల్ కన్నా తక్కువ స్థాయిలో ఉంటే రక్త హీనత వస్తుంది.అలాగే మన రక్తంలో హిమోగ్లోబిన్ తయారు అవటానికి ఐరన్ చాలా ముఖ్యమైన పదార్ధం.



ఈ ఐరన్ మన శరీరానికి తీసుకునే ఆహరం నుండి అందుతుంది.ఆడవాళ్లకు రక్త శాతం తక్కువగా ఉన్నపుడు చర్మం పాలిపోయినట్లు అనిపిస్తుంది.మనం జీవించడానికి నీరు ఎంత అవసరమో అలాగే మన శరీరం సరిగ్గా పని చేయాలంటే రక్తం కూడా అంతే అవసరం. ఈ రక్త హీనత సమస్యను ఆడవాళ్లు తేలికగా తీసుకుని పట్టించుకోకపోతే భవిష్యత్తులో చాలా అనారోగ్యాల బారిన పడతారు. అందుకే ఆడవాళ్లకు రక్తం పడడానికి కొన్ని రకాల ఆహార పదార్ధాలు తినాలి అవేంటో చూద్దాం.. !!మీకు తెలుసా…నట్స్’ని తినటం వలన మన శరీరానికి కావలసిన ఐరన్ పొందవచ్చు అని. జీడిపప్పు మంచి రుచికరమైన గింజలు అనటంలో ఎలాంటి సందేహం లేదు. ఇది రుచిని ఇవ్వటమే కాకుండా ఆరోగ్యాన్ని కూడా పెంపొందిస్తుంది.ఎలా జీడిపప్పులు తినడం వల్ల రక్తం శాతం పెరుగుతుంది.




 జీడిపప్పుని పచ్చిగా తినవచ్చు లేదా ఉప్పు, చక్కర కలుపుకొని కూడా తినవచ్చు.అలాగే వేరుశెనగ పప్పులను తినడం వల్ల కూడా రక్తం పడుతుంది  వీటిని తినటం వలన శరీరానికి చాలా రకాల పోషకాలు అందింపబడతాయి. వేరుశనగ పప్పులలో  ఐరన్’తో పాటూ పొటాషియం, మెగ్నీషియం, మరియు విటమిన్ ‘B’లు కూడా అధికంగా ఉంటాయి.అలాగే బాదం పప్పులు తినడం వల్ల కూడా రక్త శాతం పెరుగుతుంది.ఆడవాళ్లు కొంచెం శ్రద్ద తీసుకుని రాత్రి పడుకునే ముందు కిచెన్ లో పని అయిపోయాక నలుగు బాదాం పప్పులను నీటిలో నానపెట్టి పొద్దున్నే తింటే చాలా మంచిది. అలాగే ఆకుకూరలు కూడా తింటూ ఉండాలి.