ఇటీవల సుపాల్ టౌన్ కు చెందిన విపిన్ చౌహన్ జాబ్ కార్డు కోసం స్థానికంగా ఉన్న బ్యాంకుకు వెళ్ళాడు. విపిన్ స్థానికంగా కూలిపని చేసుకుంటూ జీవనం సాగిస్తున్నాడు. బ్యాంకుకు వెళ్లిన అతడు వాళ్ళు అడిగిన సమాచారం చెప్పగానే అతని పేరుమీద ఇదివరకే ఒక ఖాతా ఉందని వాళ్ళు నిర్దారించారు. అందులో దాదాపు పది కోట్ల డిపాజిట్ కూడా ఉన్నట్టు చూసి అందరు ఆశ్చర్యానికి లోనయ్యారు. అయితే విపిన్ సంబంధిత బ్యాంకు కార్యాలయానికి వెళ్లి వివరాలు సేకరించగా ఆతడి ఆధార్ కార్డు తో 2016లో ఖాతా తెరిచినట్టు తెలుసుకున్నాడు. అలాగే 2017లో ఆ ఖాతాలో కోట్ల డబ్బు డిపాజిట్ చేయబడిందని తెలుసుకున్నాడు.
ఈ విధంగా కేవలం ఒక వ్యక్తి ఆధార్ కార్డు వివరాలతో బ్యాంకు ఖాతాలు తెరుస్తుండటం పట్ల దీనివెనుక పెద్ద స్కాం ఉందనే అనుమానాలు వస్తున్నాయి. ఇక ఇలాంటి ఘటనలు బీహార్ లో తరచుగా జరుగుతూనే ఉన్నాయి. ఒకసారి బ్యాంకుల నిర్లక్ష్యంతో ఐదు లక్షలు వేరే ఖాతాలో జమ అయ్యాయి. అవి అతడు ప్రభుత్వం ఇచ్చిందేమో అని ఖర్చుకూడా చేసేశాడు. చేసేది లేక బ్యాంకు మేనేజర్ పోలీసులను ఆశ్రయించాడు. అలాగే మరో సందర్భంలో విద్యార్థుల ఖాతాలలో 900 కోట్లు జమ అయినట్టు చూపించిన ఘటన కూడా జరిగింది. అయితే అవన్నీ సాధారణంగా తలెత్తే సాంకేతిక సమస్యలు అనుకుంటే, మరి కేవలం వ్యక్తి ఆధార్ తో అకౌంట్ ఓపెన్ చేయడం ఎవరి తప్పు అవుతుంది.
