వెరసి ఎన్నో దారుణమైన ఘటనలు వెలుగులోకి వస్తూన్నాయ్. దీంతో ఆడపిల్ల ఇక ఇంటి నుంచి కాలు బయటపెట్టాలి అంటేనే భయపడిపోయే పరిస్థితి ఏర్పడింది అన్న విషయం తెలిసిందే. ఇక ఇలా ఆడపిల్లలపై జరుగుతున్న అత్యాచార ఘటనలు రోజురోజుకు పెరిగిపోతున్న నేపథ్యంలో ఆడపిల్లల రక్షణ అనేది ప్రశ్నఅర్థకంగా మారిపోతుంది. అయితే ఇటీవల హైదరాబాద్ నగరంలో కూడా ఇలాంటి ఓ దారుణ ఘటన వెలుగు చూసింది. సికింద్రాబాద్ తుకారం గేట్ పోలీస్ స్టేషన్ పరిధిలో పదహారేళ్ల బాలికపై అత్యాచారానికి పాల్పడ్డాడు రాపిడో డ్రైవర్. ఇటీవల పోలీసులు అతని అరెస్టు చేశారు.
తుకారం గేట్ పిఎస్ పరిధిలో నివాసముండే బాలిక తరచూ ఫోన్లో మాట్లాడుతుందని.. తల్లిదండ్రులు మందలించడంతో.. ఇంట్లో నుంచి పారిపోయింది. ఈ సమయంలో బాలికకు పరిచయమైన రాపిడో డ్రైవర్ సందీప్ రెడ్డి (28 ) మాయమాటలు చెప్పి తన బైక్ పై కాచిగూడ లోని ఒక లాడ్జికి తీసుకెళ్లాడు. అక్కడ రూమ్ అత్యాచారానికి పాల్పడ్డాడు. ఇక తర్వాత అక్కడి నుంచి పారిపోయాడు. అయితే తర్వాత ఏం చేయాలో తెలియక బాలిక మళ్ళీ ఇంటికి చేరుకుంది. ఇక తల్లిదండ్రులు నిలదీయగా.. జరిగిన విషయం తల్లిదండ్రులకు చెప్పింది. దీంతో వాళ్ళు పోలీస్ లను ఆశ్రయించగా కేసు నమోదు చేసి సీసీటీవీ చెక్ చేయగా నిందితుడు హబ్సిగూడ కు చెందిన రాపిడో డ్రైవర్ సందీప్ రెడ్డిగా గుర్తించారు. అతన్ని అరెస్టు చేసి రిమాండ్ కు తరలించారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి