అయితే భవిష్యత్తులో స్వీట్ల షాపుల సంఖ్య తగ్గే ప్రమాద ముంది. ఎందుకంటే గతంలో స్వీట్ల షాపులకు మంచి గిరాకీ ఉండేది. కొత్తరకం స్వీట్లు తయారు చేస్తే మంచి డిమాండ్ ఉండేది. మారుతున్న కాలానికి అనుగుణంగా చాలా మందికి అనారోగ్య సమస్యలు ఎక్కువవుతున్నాయి. షుగర్ వంటి వ్యాధులతో సతమతం అవుతున్నారు. దీనికి కారణం స్వీట్లే అని భావించి చాలా మంది తినడం మానేశారు. దీంతో ప్రస్తుతం స్వీట్ల షాపులకు వెళ్లే వారి సంఖ్య తగ్గింది.
దీనివల్ల చక్కెర పరిశ్రమ దెబ్బతింటోంది. షుగర్ ని చెరకు నుంచి తయారు చేస్తారు. చెరకు పండించేది రైతు. దీంతో ఇటు రైతు.. దానిపై ఆధారపడి జీవించే వారు ఉపాధి కోల్పోతున్నారు. దీనికి ప్రత్యామ్నాయంగా పంచదారను వేరే విధంగా వినియోగించడానికి బ్రెజిల్ దగ్గర టెక్నాలజీ తీసుకునేందుకు భారత్ సిద్ధమైంది. చక్కెర నుంచి ఇథనాల్ ను తయారు చేసే టెక్నాలజీ భారత్ కు ఇవ్వడానికి బ్రెజిల్ అంగీకరించింది. పంచదార ఉత్పత్తల్లో బ్రెజిల్ మొదటి స్థానంలో ఉండగా భారత్ రెండో స్థానంలో ఉంది.
అంతర్జాతీయ మార్కెట్ లో ఈ రెండు దేశాలు పోటీ పడటం వల్ల ఏదేశానికి గిట్టుబాటు ధర రావడం లేదు. భారత్ లో అధికంగా ఉన్న షుగర్ ను ఇథనాల్ గా మార్చితే రెండు దేశాలకు మంచి ధర లభించే అవకాశం ఉందని బ్రెజిల్ భావిస్తోంది. పెట్రోల్ లో ఇథనాల్ ను 10 నుంచి 20శాతానికి పెంచాలని కేంద్రం ఆలోచిస్తోంది. ఈ నేపథ్యంలో ఇది భారత్ కు సానుకూలాంశం. ఈ ప్రక్రియ 2025నాటికి పూర్తి చేయాలని కేంద్రం భావిస్తోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి