కానీ.. ఈ విషయంలో కేసీఆర్ను ఎలా అర్థం చేసుకోవాలో రేవంత్ రెడ్డికి ఓ పట్టాన అర్థమైనట్టు లేదు.. ఎలాగైనా వ్యతిరేకించాలన్న ఎత్తుగడతోనో.. లేక కేసీఆర్కు మైలేజీ రాకూడదన్న ఉద్దేశ్యంతోనే తెలియదు కానీ.. అస్సాం సీఎంపై కేసులు పెట్టే విషయంలో కేసీఆర్ సర్కారు వ్యవహరించలేదంటూ రేవంత్ రెడ్డి విమర్శించడం ఇప్పుడు విమర్శల పాలవుతోంది. వాస్తవానికి కేసీఆర్ స్పందించినప్పుడు కాంగ్రెస్ కూడా పాజిటివ్ గా స్పందిస్తే బావుండేది.. పార్టీలకు అతీతంగా ఇలా ఎవరిని తిట్టినా తప్పే కాబట్టి.. కేసీఆర్ రాహుల్ గాంధీకి సంఘీభావం తెలపడాన్ని రేవంత్ రెడ్డి వంటి వారు స్వాగతిస్తే బావుండేది.
అలా కాకుండా.. ఎలాగైనా కేసీఆర్ను ఇరకాటంలో పడేయాలనే ఉద్దేశ్యంతో అస్సాం సీఎంపై కేసులు పెట్టే కార్యక్రమం చేపట్టారు. స్వయంగా తాను ఫిర్యాదు ఇచ్చినా.. సరైన సెక్షన్ల కింద కేసు నమోదు చేయలేదన్న వాదనతో రాజకీయం చేసే ప్రయత్నం చేశారు. ఇది కాస్తా విమర్శల పాలైంది. అన్ని సమయాల్లోనూ రాజకీయాలే చేయాలన్న నియమం ఏమీ ఉండదు.. కొన్ని సార్లు ఎదుటి పక్షాన్ని స్వాగతించడం కూడా రాజకీయంగా మేలు చేస్తుంది.. ఆ విషయాన్ని కేసీఆర్ గుర్తించినట్టు రేవంత్ రెడ్డి గుర్తించినట్టు లేదు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి