పసుపులో ఎన్నో పోషకాలు, ఔషధ గుణాలు ఉన్నాయి. ఇది ఎన్నో వ్యాధులను చాలా ఈజీగా నివారిస్తుంది. పసుపుని తీసుకోవడం వల్ల శరీరంలో రోగనిరోధక శక్తి కూడా పెరుగుతుంది. రక్తపోటు నుండి మధుమేహం దాకా ప్రతి సమస్యని నియంత్రించడంలో పసుపు ప్రయోజనకరంగా పనిచేస్తుంది. అలాగే అధిక బరువు ఈజీగా తగ్గడంలో కూడా పసుపు సహాయపడుతుంది.పసుపు దాల్చిన చెక్క  బరువు తగ్గడంలో సహాయపడతాయి. ఈ రెండింటినీ కలిపి తీసుకోవడం వల్ల రక్తంలో చక్కెర స్థాయిలు అదుపులో ఉంటాయి. దీని తయారీ కోసం పాన్‌లో ఒక కప్పు నీటిని వేడి చేసి అందులో దాల్చిన చెక్క ముక్క, చిటికెడు పసుపు వేసి బాగా మరిగించాలి. తర్వాత ఈ నీటిని వడకట్టి తాగాలి. ప్రతిరోజూ ఉదయం ఖాళీ కడుపుతో ఇలా తాగటం వల్ల మీ బరువు అదుపులో ఉంటుంది.మీరు ఖచ్చితంగా బరువు తగ్గాలనుకుంటే మీరు పసుపు పాలు కూడా తీసుకోవచ్చు. ఒక గ్లాసు వేడి పాలలో ఒక చెంచా పసుపు వేసి బాగా కలపాలి. ప్రతిరోజూ రాత్రి పడుకునే ముందు దీన్ని తాగండి.


క్రమం తప్పకుండా ఇలా చేయటం వల్ల త్వరగా బరువు తగ్గుతారు. అదనంగా రోగనిరోధక శక్తి పెరుగుతుంది. నిద్ర కూడా మెరుగుపడుతుంది.పసుపు, తేనె మిశ్రమం బరువు తగ్గడానికి ప్రభావవంతంగా పనిచేస్తుంది. దీనికోసం ఒక గిన్నెలో ఒక చెంచా తేనె తీసుకోండి. దానికి పచ్చి పసుపు వేసి కలిపి తినేయొచ్చు. కావాలంటే పసుపు నీళ్లలో తేనె కలిపి కూడా తాగవచ్చు.బరువు తగ్గడానికి పసుపు, అల్లం కూడా అద్భుతంగా పనిచేస్తుంది. ఈ రెండింటి కలయిక మీ అదనపు కొవ్వును త్వరగా తగ్గిస్తుంది. దీని కోసం ఒక కప్పు నీటిలో ఒక అంగుళం అల్లం ముక్క, రెండు చిటికెల పసుపు వేసి మరిగించాలి. తర్వాత వడకట్టి టీ లాగా తాగేయాలి.పొద్దున్నే ఖాళీ కడుపుతో పసుపు నీటిని తాగడం వల్ల జీవక్రియ పెరుగుతుంది. ఇది కొవ్వును కాల్చడంలో సహాయపడుతుంది. ఇందుకోసం ఒక గ్లాసు నీటిలో పచ్చి పసుపు ముక్కలను వేసి బాగా మరిగించాలి. నీరు సగానికి తగ్గగానే గ్లాసులో వడకట్టి కాస్త నిమ్మకాయ లేదా తేనె కలిపి తాగాలి.ఈ టిప్ ని రెగ్యులర్ గా పాటిస్తే ఖచ్చితంగా బరువు తగ్గడానికి సహాయపడుతుంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Health Tips

Purushottham Vinay

03/02/2024 03:27 PM