ఇక ఈ సినిమా తర్వాత నాగచైతన్య వరుస సినిమాలు ఒప్పుకునే విధంగా అడుగులు వేస్తున్నాడు. ఇప్పటికే నందినీ రెడ్డి దర్శకత్వంలో ఓ సినిమా చేయడానికి ఆయన సుముఖంగా ఉన్నట్లు తెలుస్తుంది. ఆమె ఓ బేబీ సినిమాతో ప్రేక్షకులను ఎంతగానో ఆకట్టుకోగా ఆ తర్వాత ఇప్పటి వరకు ఆమె ఏ సినిమా కూడా మొదలుపెట్టనే లేదు. దాంతో ఇప్పుడు నాగచైతన్యతో ఓ సినిమా చేసి మళ్లీ ఫామ్ లోకి రావాలని ఆమె భావిస్తుంది. ఈ విధం గా నందినీ రెడ్డి దర్శకత్వంలో నాగచైతన్య సినిమా చేయడం దాదాపు ఖరారు అయిందని అంటున్నారు.
అలాగే ఇటీవల నాంది లాంటి సినిమాతో ప్రేక్షకులను ఎంతగానో ఆకట్టుకున్న దర్శకుడు విజయ్ కనకమేడల దర్శకత్వంలో నాగచైతన్య ఓ సినిమా చేయడానికి అంగీకరించనున్నాడని తెలుస్తుంది. ఇప్పటికే ఆయన ఆసక్తికరమైన కథను వినిపించగా అది ప్రేక్షకులను తప్పకుండా అలరిస్తుందని భావిస్తున్నారు. ఈ చిత్రాన్ని కూడా ఒప్పుకొని తొందరలోనే మొదలు పెట్టాలని ఆయన ఆలోచన చేస్తున్నాడు. ఇప్పటికే చాలా మంది స్టార్ హీరోలు వలస సినిమాల మీద సినిమాలు ఒప్పుకుంటున్న నేపథ్యంలో అక్కినేని నాగచైతన్య కూడా ఆ విధంగా అడుగులు వేస్తూ వరుస సినిమాలను చేయడం అక్కినేని అభిమానులను ఎంతగానో ఖుషీ చేస్తుంది. భవిష్యత్ లో అయన ఇంకా ఎన్ని సినిమాలు అనౌన్సు చేస్తాడో చూడాలి.
