తెలుగు సినిమా ఇండస్ట్రీ లో మంచి గుర్తింపును కలిగి ఉన్న హీరోయిన్ లలో ఒకరు అయినటు వంటి అను ఇమాన్యుయల్ గురించి ప్రత్యేకంగా తెలుగు సినీ ప్రేమికులకు పరిచయం చేయాల్సిన అవసరం లేదు. ఈ ముద్దుగుమ్మ నాచురల్ స్టార్ నాని హీరోగా తెరకెక్కిన మజ్ను మూవీ తో తెలుగు సినిమా ఇండస్ట్రీలోకి ఎంట్రీ ఇచ్చింది. ఆ తర్వాత అజ్ఞాతవాసి , నా పేరు సూర్య నా ఇల్లు ఇండియా , శైలజ రెడ్డి అల్లుడు , మహా సముద్రం , ఊర్వశివో రాక్షసివో వంటి పలు మూవీ లలో నటించి ఎంతో మంది అభిమానుల మనసు దోచుకుంది. ఇది ఇలా ఉంటే అను ఇమన్యుయల్ తాజాగా నటించిన ఊర్వశివో రాక్షసివో మూవీ ప్రస్తుతం విజయవంతంగా థియేటర్ లలో ప్రదర్శించబడుతుంది. ఈ మూవీ లో అల్లు శిరీష్ హీరోగా నటించాడు. ఇది ఇలా ఉంటే గత కొంత కాలంగా వరుస సినిమా అవకాశాలను దక్కించుకోవడంలో కాస్త వెనుకబడి పోయిన అను ఇమ్మానుయేల్ ఈ మధ్య కాలంలో మాత్రం వరుస సినిమా అవకాశాలను దక్కించుకుంటూ ,  ఫుల్ జోష్ లో తన కెరియర్ ను ముందుకు సాగిస్తోంది.

అందులో భాగంగా ప్రస్తుతం ఈ ముద్దు గుమ్మ రవితేజ హీరోగా తెరకెక్కుతున్న రావణాసుర మూవీ లో నటిస్తోంది. అలాగే తమిళ క్రేజీ నటుడు కార్తీ హీరోగా తిరక్కనున్న జపాన్ మూవీ లో అవకాశం దక్కించుకుంది. ఈ రెండు మూవీ లతో పాటు మాస్ మహారాజా రవితేజ హీరోగా కార్తీక్ ఘట్టమనేని దర్శకత్వంలో ఒక మూవీ తెరకెక్కబోతున్న విషయం మన అందరికీ తెలిసిందే. ఈ మూవీ లో రవితేజ సరసన హీరోయిన్ గా చిత్ర బృందం అను ఇమాన్యుయల్ ను అనుకుంటున్నట్లు ,  అన్ని కుదిరితే ఈ ముద్దుగుమ్మ ఈ క్రేజీ కాంబినేషన్ మూవీ లో రవితేజ సరసన హీరోయిన్ గా నటించే అవకాశం ఉన్నట్లు ఒక వార్త వైరల్ అవుతుంది.

మరింత సమాచారం తెలుసుకోండి:

Anu imanuyal

Pulgam Srinivas

10/11/2022 12:02 PM