గ్రేట్ డైరెక్టర్ మణిరత్నం ఆఖరుగా పోనియన్ సెల్వన్ మూవీ కి దర్శకత్వం వహించిన విషయం మన అందరికీ తెలిసిందే. ఈ మూవీ ని రెండు భాగాలుగా ప్రేక్షకుల ముందుకు తీసుకురానున్నారు. అందులో మొదటి భాగాన్ని పోయిన సంవత్సరం భారీ ఎత్తున థియేటర్ లలో తెలుగు , తమిళ , కన్నడ , మలయాళ , హిందీ భాషల్లో ప్రపంచ వ్యాప్తంగా విడుదల చేశారు. ఈ మూవీ కి తమిళ భాషలో ప్రేక్షకుల నుండి అద్భుతమైన రెస్పాన్స్ వచ్చింది. కానీ ఇతర భాషలలో తమిళ భాషతో పోలిస్తే వచ్చిన రేంజ్ రెస్పాన్స్ మాత్రం రాలేదు. 

ఈ మూవీ లో తమిళ సినిమా ఇండస్ట్రీ లో సూపర్ క్రేజ్ ఉన్నటు వంటి హీరోలు అయినటు వంటి చియాన్ విక్రమ్ ... కార్తి ... జయం రవి హీరోలుగా నటించారు. ఈ సినిమాలో ఐశ్వర్య రాయ్ ... త్రిష ముఖ్య పాత్రలలో నటించారు. ఇది ఇలా ఉంటే ఈ మూవీ యొక్క రెండవ భాగాన్ని ఏప్రిల్ 28 వ తేదీన ప్రపంచ వ్యాప్తంగా విడుదల చేయనున్నారు. ఈ మూవీ విడుదల తేదీ దగ్గర పడడంతో ఇప్పటికే ఈ సినిమా నుండి అనేక ప్రచార చిత్రాలను ఈ మూవీ యూనిట్ విడుదల చేసింది.

వాటికి ప్రేక్షకుల నుండి మంచి ఆదరణ లభించింది. ఇది ఇలా ఉంటే తాజాగా ఈ మూవీ యూనిట్ ఈ సినిమాకు సంబంధించిన ఒక అదిరిపోయే అప్డేట్ ను ప్రకటించింది. ఈ మూవీ ని "4 డి ఎక్స్" వర్షన్ లో విడుదల చేయనున్నట్లు ఈ మూవీ యూనిట్ అధికారికంగా ప్రకటించింది. అలాగే సౌత్ ఇండియా నుండి "4 డి ఎక్స్" లో ఇలా విడుదల అవుతున్న మొట్ట మొదటి సినిమాగా కూడా ఈ చిత్ర బృందం ప్రకటించింది. ఈ సినిమాకు ఏ ఆర్ రెహమాన్ సంగీతం అందించాడు. ఈ మూవీ యొక్క రెండవ భాగంపై తమిళ సినీ ప్రేమికులు భారీ అంచనాలు పెట్టుకున్నారు.

మరింత సమాచారం తెలుసుకోండి:

Poniyan selvan

Pulgam Srinivas

12/04/2023 12:13 PM