హీరో సుశాంత్​ సింగ్​ రాజ్​పుత్​ బలన్మరణం తర్వాత బాలీవుడ్​లో వివాదాలు ఎక్కువయ్యాయి. ఈ క్రమంలో బంధుప్రీతిపై కీలక వ్యాఖ్యలు చేసిన నటి కంగనా రనౌత్​.. తాాజాగా దర్శకుడు అనురాగ్​ కశ్యప్​పైనా విమర్శలు గుప్పించింది. అనురాగ్​ను "మినీ మహేశ్​ భట్"​ అని సంభోధిస్తూ ట్విట్టర్​లో ఓ పోస్ట్​ పెట్టింది​. అతని కెరీర్​లో తను నటించిన 'క్వీన్'​ సినిమానే పెద్ద హిట్​గా నిలిచిందని పేర్కొంది.గతంలో తనకూ పెద్ద నిర్మాతల నుంచి ఎలాంటి మద్దతు లభించలేదని అనురాగ్​ కశ్యప్​ వెల్లడించారు. అలాంటి సమయంలోనూ కంగనాకు సహాయం చేశానన్నారు.

బాలీవుడ్​ నాకు తిండి తెచ్చిపెట్టలేదు. ధర్మ, ఎక్సైల్​ లేదా యాశ్​రాజ్​ ఫిల్మ్స్​ వంటి సంస్థలు నా సినిమాలను నిర్మించడానికి ముందుకు రాలేదు. చివరికి నేను నా స్వంతంగా ఓ నిర్మాణ సంస్థను సృష్టించాను. కంగనాకు అవకాశాలు లేనప్పుడు క్వీన్​ చిత్రాన్ని తెరకెక్కించాం. 'తను వెడ్స్​ మను' సినిమా కోసం దర్శకుడు ఆనంద రాయ్​ని ఫైనాన్సర్ల వద్దకు తీసుకెళ్లి నేను సినిమా పూర్తి చేయడంలో సాయం చేశాను. కావాలంటే మీరు ఒకసారి అతడ్ని అడగవచ్చు అని అనురాగ్​ కశ్యప్​ అన్నారు.

దీనికి కంగనా రనౌత్ టీమ్​ స్పందిస్తూ.. "అవును ఇది నిజం. మరొక నిజం ఏమిటంటే మీ కెరీర్​లో 'క్వీన్​' సినిమా మాత్రమే ఏకైక విజయంగా ఉంది. ఫాంటమ్​ యూ 4 పార్ట్​నర్స్ అనే ప్రొడక్షన్​​ హౌస్​ నుంచి ఆ చిత్రం విడుదలైంది. కనీసం ఆమెకున్న కృతజ్ఞతా భావమైనా మీలో ఉండాలి" అని పోస్ట్​ చేశారు.కంగనా రనౌత్​ ప్రధానపాత్రలో నటించిన 'క్వీన్'​ చిత్రం 2013లో వయాకామ్​ 18 మోషన్​ పిక్చర్స్​తో పాటు ఫాంటమ్​ ఫిల్మ్స్​ సంస్థలు విడుదల చేశాయి. అనురాగ్​ కశ్యప్​, విక్రమాదిత్య మోత్వానే, మధు మంతేనా, వికాస్​ బహల్​లు కలిసి ఈ చలన చిత్ర నిర్మాణ, పంపిణీ సంస్థలను ప్రారంభించారు.గతేడాది కంగనకు సంబంధించిన ఓ వీడియోను అనురాగ్​ షేర్​ చేశారు. 'మణికర్ణిక' ప్రాజెక్టులో కొంత భాగానికి దర్శకత్వ బాధ్యతలు చేపట్టినట్లు చెప్పుకొని.. సినిమా క్రెడిట్ మొత్తం ఆమె ఖాతాలో వేసుకుందని అనురాగ్​ విమర్శించారు.

मेरी रोटी bollywood से नहीं चलती । मेरी फ़िल्म produce करने कोई Dharma, Excel या YRF या कोई studio नहीं आता । खुद नयी company बनानी पड़ती है और खुद बनाता हूँ। कंगना के पास जब कोई काम नहीं था तब queen बनायीं थी। तनु weds मनु जब अटक गयी थी उसे खतम करने के लिए - cont https://t.co/3Va5kTQbha

— anurag kashyap (@anuragkashyap72) July 21, 2020