తెలుగు చిత్ర పరిశ్రమలో నందమూరి తారక రామారావు గురించి ప్రత్యేకంగా చెప్పాల్సిన అవసరం లేదు. ఆయన నటనతో కోట్లాది తెలుగు ప్రేక్షకుల మదిలో చెరగని ముద్ర వేసుకున్నాడు. అయితే ఎన్టీఆర్ వార‌సుడిగా సినిమా ఇండ‌స్ట్రీలోకి అడుగు పెట్టిన బాల‌కృష్ణ ప్ర‌స్తుతం టాలీవుడ్ లో టాప్ హీరోగా కొన‌సాగుతున్నారు. ఇక‌, తాత వార‌స‌త్వాన్ని పుణికిపుచ్చుకున్న జూనియ‌ర్ ఎన్టీఆర్ కూడా త‌న‌దైన ఇమేజ్ క్రియేట్ చేసుకున్నాడు. వీరిద్ద‌రూ క‌లిసి ఓ సినిమాలో న‌టిస్తే చూడాల‌ని నంద‌మూరి ఫ్యాన్స్ ఎప్పటి నుండో ఆరాట‌ప‌డుతున్నారు. కానీ.. ఇంత‌కుముందే వీళ్లిద్ద‌రూ క‌లిసి న‌టించిన విష‌యం చాలా కొద్దిమందికి తెలుసు.

అయితే సీనియర్ ఎన్టీఆర్ స్వీయ‌ దర్శకత్వంలో ‘బ్రహ్మర్షి విశ్వామిత్రా’ అనే సినిమా తెర‌కెక్కింది. ఈ సినిమా తెలుగుతోపాటు హిందీలోనూ తెర‌కెక్కించారు‌. తెలుగు వెర్షన్ లో బాలకృష్ణ హరిశ్చంద్రుడు, దుశ్యంతుడు పాత్రల్లో నటించారు. హిందీలో కూడా బాలయ్య అవే క్యారెక్ట‌ర్ల‌లో న‌టించారు. అయితే హిందీ వెర్ష‌న్ లో జూనియ‌ర్ ఎన్టీఆర్ ను తీసుకున్నారు. ఈ సినిమాలో భరతుడి క్యారెక్టర్ వేశాడు తారక్. ఇదే జూనియ‌ర్ మొద‌టి సినిమాగా చెప్పుకోవ‌చ్చు. అయితే మేజర్ చంద్రకాంత్’ సినిమా సమయంలో జూ. ఎన్టీఆర్ హిందీ చ‌క్క‌గా మాట్లాడ‌టం చూసి హిందీ వెర్షన్ లోకి తీసుకున్నార‌ట‌.

కానీ ఈ సినిమా తెలుగులో దారుణ ప‌రాజ‌యం పాలైంది. దీంతో అప్ప‌టికే షూటింగ్ కంప్లీట్ అయిన‌ప్ప‌టికీ.. హిందీ వెర్ష‌న్ విడుదల  చేయ‌కుండా ఆపారు ఎన్టీఆర్‌. ఆ తర్వాత ఆయ‌న‌ రాజకీయాలతో బిజీ అయ్యారు. అనంత‌ర కాలంలో టీడీపీలో సంక్షోభం కూడా ఏర్ప‌డింది. ఇలాంటి కారణాలతో ఈ సినిమా రిలీజ్ కాకుండానే అలా మిగిలిపోయింది. అయితే జూనియర్ ఎన్టీఆర్ కెరీర్‌లోని మొద‌టి సినిమా రిలీజ్ కాకుండా మిగిలిపోయింది. అది కూడా సీనియర్ ఎన్టీఆర్, బాలకృష్ణతో క‌లిసి న‌టించిన సినిమా కావ‌డం విశేషం. మూడు త‌రాల నంద‌మూరి హీరోలు క‌లిసి న‌టించిన‌ప్ప‌టికీ.. యాదృశ్చికంగా విడుద‌ల‌కు నోచుకోలేదు.