రాజ్ అండ్ డీకే తెలుగువారు కావడంతో ఎప్పటి నుండో వారు ఒక టాప్ హీరోతో తెలుగులో సినిమా తీయడానికి చాల గట్టి ప్రయత్నాలు చేస్తున్నారు. ముఖ్యంగా మహేష్ బాబుతో ఒక మూవీ తీయాలని వీరిద్దరి తీరనికోరిక. మహేష్ ను అనేకసార్లు కలిసి వారిద్దరు కథలు చెప్పినప్పటికీ మహేష్ ఇంకా పూర్తిగా స్పందించడం లేదు అని తెలుస్తోంది.
ప్రస్తుతం ‘ది ఫ్యామిలీ మ్యాన్ 2’ కు వచ్చిన అనూహ్య స్పందనతో రాజ్ అండ్ డీకే పేరు బాలీవుడ్ లో మారుమ్రోగి పోతోంది. అనేకమంది బాలీవుడ్ హీరోలు వీరి దర్శకత్వంలో నటించడానికి ఉత్సాహం కనపరుస్తున్నా రాజ్ అండ్ డీకే అభిలాష మాత్రం మహేష్ బాబు పై ఉన్నట్లు టాక్. తెలుస్తున్న సమాచారం మేరకు తాము తీయబోయే ‘ది ఫ్యామిలీ మ్యాన్ 3’ వెబ్ సిరీస్ కథలో మహేష్ కు ఒక కీలక పాత్ర క్రియేట్ చేసారని అంటున్నారు.
మహేష్ అంగీకరిస్తే ఈ వెబ్ సిరీస్ లో నటించినందుకు అత్యంత భారీ పారితోషికం ఆఫర్ చేసే ఆలోచనలలో రాజ్ అండ్ డీకే ఉన్నట్లు వార్తలు వస్తున్నాయి. సూపర్ స్టార్ కృష్ణ తన పద్మాలయ బ్యానర్ పై మహేష్ ను హీరోగా పెట్టి ఒక భారీ హిందీ సినిమా తీస్తాను అంటే అంగీకరించని మహేష్ ఇప్పుడు రాజ్ అండ్ డీకే చేస్తున్న రాయబారాలకు స్పందించే అవకాశం చాల తక్కువ అని మరికొందరు అంటున్నారు..