మరి రాజమౌళి ప్లాన్ అంటే ఈ రేంజ్ లోనే ఉంటాయి. దోస్తీ సాంగ్ ఎలా ఉంది అని చెప్పడానికి మాటలు సరిపోవని చెప్పాలి. సీతారామశాస్త్రి అందించిన సాహిత్యం.. కీరవాణి మ్యూజిక్ రెండు ఒక దానికి ఒకటి పోటీ పడ్డాయి. ఇక లేటెస్ట్ గా రిలీజైన ఈ దోస్తీ సాంగ్ ఐదు భాషల్లో రిలీజైంది. అయితే ఈ సాంగ్ తెలుగు వర్షన్ కన్నా తమిళ వర్షన్ కు ఎక్కువ మార్కులు పడుతున్నాయి. ఆల్రెడీ తమిళంలో స్టార్ మ్యూజిక్ డైరక్టర్ గా అనిరుధ్ రవిచంద్రన్ మంచి ఫాం లో ఉన్నాడు. అలాంటి స్టార్ మ్యూజిక్ డైరక్టర్ ను ఆర్.ఆర్.ఆర్ ప్రమోషన్ సాంగ్ చేయించి సినిమాపై అక్కడ క్రేజ్ పెరిగేలా చేశారు.
తెలుగులో హేమ చంద్ర ఆలపించిన ఈ సాంగ్ ను తమిళంలో అనిరుధ్ పాడారు. తెలుగు వర్షన్ సాంగ్ కన్నా తమిళ పాటకే ఎక్కువ లైక్స్ పడుతున్నాయి. అనిరుధ్ స్వతహాగా మ్యూజిక్ డైరక్టర్ అవడం తన సినిమాలకు ఇలా ప్రమోషనల్ సాంగ్స్ చేయడం అతనికి బాగా అలవాటు అందుకే దోస్తీ సాంగ్ లో అతను అదరగొట్టేశాడు. ఈ దోస్తీ ప్రమోషనల్ సాంగ్ చివర్లో చరణ్, ఎన్.టి.ఆర్ వచ్చిన తీరు.. వారి స్టైల్ కు ఆడియెన్స్ ఫిదా అయ్యారు. సాంగ్ ప్రోమోనే ఇలా ఉంటే ఇక సినిమా ఎలా ఉండబోతుందో అని అంచనాలు పెంచుకుంటున్నారు ఆడియెన్స్.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి