విజయ్ దేవరకొండ భారీ ఆశలు పెట్టుకున్న సినిమా 'లైగర్'. బాక్సింగ్ బ్యాక్డ్రాప్లో వస్తోన్న ఈ సినిమా వందల కోట్లు కలెక్ట్ చేస్తుందని నమ్మకంగా ఉన్నాడు రౌడీ. అందుకే 200 కోట్ల ఓటీటీ ఆఫర్ కూడా చాలా చిన్నదని పోస్ట్ పెట్టాడు. ఇక విజయ్ ఇంత హోప్స్ పెట్టుకున్న ఈ సినిమాని అదే రేంజ్లో తెరకెక్కిస్తున్నాడు పూరీ జగన్నాథ్.
వరుణ్తేజ్ ఫిజికల్గా చాలా కష్టపడి చేస్తోన్న సినిమా 'గని'. బాక్సింగ్ డ్రామాగా రూపొందుతోన్న ఈ సినిమాని హాలీవుడ్ స్టైల్లో తెరకెక్కిస్తున్నాడు దర్శకుడు కిరణ్ కొర్రపాటి. ఇక ఈ ఆలోచనలకి తగ్గట్లుగానే 'గని' సినిమా కోసం హాలీవుడ్ స్టంట్ కొరియోగ్రాఫర్స్ లార్నెల్ స్టావల్, వ్లాద్ రింబర్గ్ని తీసుకొచ్చారు. ఓటీటీ మార్కెట్ విస్తరించాక ఆడియన్స్కి వరల్డ్ క్లాస్ కంటెంట్ అందుబాటులోకి వచ్చేసింది. భాషతో పనిలేకుండా కొరియన్ డ్రామాలు కూడా చూస్తున్నారు. ఆ హైప్స్ని మ్యాచ్ చెయ్యడానికే హాలీవుడ్ నుంచి స్టంట్ డైరెక్టర్స్ని తీసుకొస్తున్నారు మేకర్స్.
'బాహుబలి' తర్వాత రాజమౌళి ఆలోచనలు నెక్ట్స్ లెవల్కి వెళ్లాయి. 'ట్రిపుల్ ఆర్' తర్వాత జక్కన్న వరల్డ్ క్లాస్ పిక్చర్ తీస్తాడని చాలా రోజల నుంచి ప్రచారం జరుగుతోంది. వాటికి బలమిస్తూ 'ట్రిపుల్ ఆర్' నుంచే ఇంటర్నేషనల్ మార్కెట్ని ఫోకస్ చేస్తున్నాడు జక్కన్న. ఈ హిస్టారికల్ డ్రామాకి యాక్షన్ కొరియోగ్రాఫర్గా నిక్ పావెల్ని తీసుకొచ్చాడు. 'గ్లాడియేటర్, ది బౌర్న్ ఐడెంటిటి' లాంటి మూవీస్కి వర్క్ చేశాడు నిక్ పావెల్.
చిరంజీవి చాలా ప్రెస్టీజియస్గా తీసుకుని చేసిన సినిమా 'సైరా'. తొలితరం స్వాతంత్రసమరయోధుడు ఉయ్యాలవాడ నరసింహారెడ్డి కథాంశంతో తెరకెక్కిందీ సినిమా. కథ నుంచి రిలీజ్ వరకు చిరు మెగా ఇంట్రెస్ట్ పెట్టిన ఈ మూవీకి గ్రెగ్ పావెల్ స్టంట్ కొరియోగ్రఫీ చేశాడు. ఈ బ్రిటన్ స్టంట్ మాస్టర్ 'విల్లో, సహారా' లాంటి సినిమాలకి వర్క్ చేశాడు. మొత్తానికి టాలీవుడ్ లో హాలీవుడ్ ఎఫెక్ట్స్ ఇస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి