అయితే హైపర్ ఆది అసలు జబర్దస్త్ లోకి రావడానికి అటు అదిరే అభి కారణం అనే విషయం తెలిసిందే. ఎక్కడో ఒక సాఫ్ట్ వేర్ జాబ్ చేసుకుంటూ ఉన్న హైపర్ ఆది ని ఒక చిన్న స్కిట్ చూసి జబర్దస్త్ లోకి పిలిపించాడు అదిరే అభి. ఆ తర్వాత అవకాశాల మీద అవకాశాలు ఇస్తూ ఆది హైపర్ ఆది గా ఫేమస్ కావడానికి అదిరే అభి కారణం అయ్యాడు. అందుకే అదిరే అభి కనిపించినప్పుడల్లా ఇక నేను ఈ స్థాయికి ఎదిగాను అంటే దానికి అభి అన్న కారణం అంటూ హైపర్ ఆది నిర్మొహమాటంగా చెబుతూ ఉంటాడు. ఇక అభి అన్నకు గురుదక్షిణగా ఏమి ఇచ్చినా తక్కువే అంటూ తన గురువు మీద తనకున్న గౌరవాన్ని చాటుకుంటూ ఉంటారు హైపర్ ఆది.
ఇకపోతే ఇటీవల ఏకంగా స్టేజి మీదే అదిరే అభి కాళ్లు పట్టుకున్నాడు హైపర్ ఆది. ఎప్పుడూ సరికొత్త కాన్సెప్ట్ తో ప్రేక్షకులను అలరించే శ్రీదేవి డ్రామా కంపెనీ కార్యక్రమం ఇటీవలే ఆచార్య దేవోభవ అనే ఒక సరికొత్త కాన్సెప్ట్ తో ప్రేక్షకుల ముందుకు వచ్చేందుకు సిద్ధమయ్యారు. ఈ క్రమంలోనే ఇక జబర్దస్త్ లో సీనియర్ టీమ్ లీడర్గా ఉన్న అదిరే అభి, చలాకి చంటి లాంటి టీం లీడర్లు స్టేజిపై నిలబడగా.. తాను ఈ పొజిషన్ లో ఉన్నాను అంటే అదిరే అభి అన్న కారణమని.. అభి అన్న లేకపోతే అసలు హైపర్ ఆది లేడని.. అభి అన్న నాకు దేవుడితో సమానమని అంతకంటే ఏం చెప్పలేను అంటూ ఏకంగా స్టేజీపైన అదిరే అభి కాళ్లు పట్టుకున్నాడు హైపర్ ఆది. హైపర్ ఆదికి గురువుపై ఉన్న అభిమానానికి అందరూ ఫిదా అయ్యారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి