దర్శకధీరుడు ఎస్ ఎస్ రాజమౌళి ఎంతో ప్రతిష్టాత్మకంగా తెరకెక్కిస్తున్న 'RRR' సినిమా కోసం యావత్ సినీ ప్రపంచం ఎంతలా ఎదురుచూస్తుందో ప్రత్యేకంగా చెప్పాల్సిన పని లేదు. దక్షిణ భారత దేశంలోనే అత్యధిక బడ్జెట్ తో పాన్ ఇండియా స్థాయిలో లో రూపొందుతున్న ఈ సినిమా దాదాపు వెయ్యి కోట్ల కలెక్షన్స్ ని అందుకుంటుందని.. అంతే కాకుండా ఎన్నో రికార్డులను తిరగరాస్తుందని అభిమానులు ఆశిస్తున్నారు. ఇక ఈ సినిమాలో హీరోలుగా నటిస్తున్న మెగా పవర్ స్టార్ రామ్ చరణ్, యంగ్ టైగర్ ఎన్టీఆర్ ల కెరీర్ లోనే బిగ్గెస్ట్ బ్లాక్ బస్టర్ హిట్ అవుతుందని అనుకుంటున్నారు. ఇక ఇప్పటి వరకు ఈ సినిమా నుంచి విడుదలైన ప్రతి ఒక్క అప్డేట్ సినిమాపై అంచనాలను రెట్టింపు చేసింది.

 వచ్చే ఏడాది సంక్రాంతి కానుకగా ఈ సినిమా విడుదల కానున్నట్లు ఇప్పటికే మేకర్స్ అధికారికంగా ప్రకటించిన విషయం తెలిసిందే. ఈ నేపథ్యంలో చిత్ర ప్రమోషన్స్ ను వేగవంతం చేశారు చిత్ర యూనిట్. ఇక ఈ సినిమా నుండి దీపావళి కానుకగా మరో టీజర్ రానుందని వార్తలు వినిపిస్తుండగా.. తాజాగా ఈ సినిమాకు సంబంధించి జరిగిన ఈవెంట్ లో ఉన్న పోస్టర్స్ లో ఈ సినిమా జనవరి రిలీజ్ అని పేర్కొన్నారు. అయితే కచ్చితమైన రిలీజ్ డేట్ మాత్రం ఆ పోస్టర్స్ లో కనిపించలేదు. ఇక తాజా పోస్టర్స్ లో రిలీజ్ డేట్ క్లారిటీ లేకపోవడంతో రాజమౌళి మళ్లీ ఫ్యాన్స్ ని కన్ఫ్యూజ్ చేస్తున్నాడనే వార్తలు వినిపిస్తున్నాయి.

ఈ సినిమా జనవరిలో విడుదల అంటే జనవరి 7వ తేదీనా లేక జనవరి చివర్లోనా అనే అనుమానాలు కూడా వ్యక్తమవుతున్నాయి. అయితే ఇప్పటికే ఈ సినిమా ప్రమోషన్ కార్యక్రమాలను ఓ రేంజ్ లో రాజమౌళి ప్లాన్ చేశారు. ఈ నేపథ్యంలోనే నవంబర్ నుంచి ఈ సినిమా నుంచి వరుస అప్డేట్లను ఇవ్వబోతున్నారు. ఇక సినిమా విడుదలకు ఇంకా 70 రోజుల సమయం ఉండడంతో అతి త్వరలోనే ఈ సినిమా నుంచి రెండో పాటను కూడా విడుదల చేయడానికి యూనిట్ సన్నాహాలు చేస్తున్నట్లు వార్తలు వస్తున్నాయి. ఇక అంతకంటే ముందే నవంబర్ 1న ఈ సినిమా నుంచి మరో టీజర్ గ్లిమ్స్ రానున్నట్లు తాజాగా చిత్రయూనిట్ అధికారికంగా ప్రకటించింది దీంతో ఆ టీజర్ గ్లిమ్స్ కోసం ఫాన్స్ ఎంతో ఆతృతగా ఎదురు చూస్తున్నారు...!!
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

RRR

Anilkumar

30/10/2021 02:03 PM