"സല്യൂട്ട്" ട്രെയിലറിന് മികച്ച പ്രേക്ഷക പ്രതികരണം! ട്രെയിലറിന് പ്രേക്ഷകർക്കിടയിൽ ഗംഭീര പ്രതികരണമാണ് ലഭിക്കുന്നത്. ആ യൂണിഫോം ഇട്ട് കുഞ്ഞിക്ക ഒരൊന്നൊന്നര വരവുണ്ടെന്ന് പറഞ്ഞേക്ക്, അടുത്ത കുഞ്ഞിക്കയുടെ സൂപ്പർ ഡ്യൂപ്പർ ഹിറ്റ് പടം ഇത് ആയിരിക്കും. പ്രതീക്ഷകൾ ഏറെയാണ് ഈ ഒരു ട്രെയിലറിലൂടെ തന്നെ പടത്തിന്റെ ഹൈപ്പ് ഇരട്ടിക്കട്ടെ തുടങ്ങി ഒട്ടനവധി അഭിപ്രയങ്ങൾ ആണ് ലഭിക്കുന്നത്. പാൻ ഇന്ത്യൻ സൂപ്പർ സ്റ്റാർ ദുൽഖറിന്റെ ചിത്രം "സല്യൂട്ട് " ന്റെ ട്രെയിലെർ പുറത്തിറങ്ങി. ട്രെയിലറിന് പ്രേക്ഷകർക്കിടയിൽ ഗംഭീര പ്രതികരണമാണ് ലഭിക്കുന്നത്. ദുൽഖറും റോഷൻ ആൻഡ്രൂസും ഒന്നിക്കുമ്പോൾ പ്രേക്ഷക പ്രതീക്ഷയും വാനോളം ഉയരുകയാണ്.
ട്രെയിലറിന് കിട്ടിയ സ്വീകാര്യത അതിനെ ശരിവെക്കുന്നു. റോഷൻ ആൻഡ്രൂസ് എന്ന സംവിധായകന്റെ ബ്രില്ല്യൻസും ദുൽഖറിന്റെ അഭിനയമികവുമാണ് പ്രേക്ഷകരുടെ പ്രതീക്ഷ.ദുൽഖറിന്റെ കരിയറിൽ തന്നെഅഭിനയത്തികവ് കൊണ്ട്ശ്രദ്ധിക്കപ്പെടാൻ പോകുന്ന ചിത്രം കൂടിയായിരിക്കും "സല്യൂട്ട് ". റോഷൻ ആൻഡ്രൂസ്- ബോബി സഞ്ജയ് കൂട്ടുകെട്ടിലെ ആദ്യ ദുൽഖർ ചിത്രം കൂടിയാണിത്. പുതുവർഷ റിലീസായി എത്തുന്ന ചിത്രം ജനുവരി 14ന് തീയറ്ററുകളിലെത്തും. മുംബൈ പോലീസിന് ശേഷം റോഷൻ ആൻഡ്രൂസ് ഒരുക്കുന്ന പോലീസ് ചിത്രം കൂടിയാണ് സല്യൂട്ട്.
ചിത്രത്തിന് തിരക്കഥയൊരുക്കിയിരിക്കുന്നത് ബോബി - സഞ്ജയ് കൂട്ടുകെട്ടാണ്. വേഫറെർ ഫിലിംസിന്റെ ബാനറിൽ ദുൽഖർ സൽമാൻ നിർമ്മിക്കുന്ന അഞ്ചാമത്തെ ചിത്രം കൂടിയാണിത്. ബോളിവുഡ് താരവും മോഡലുമായ ഡയാന പെന്റി നായികയാകുന്ന ചിത്രത്തിൽ മനോജ് കെ ജയൻ, അലൻസിയർ, ബിനു പപ്പു, വിജയകുമാർ, ലക്ഷ്മി ഗോപാല സ്വാമി, സാനിയ ഇയ്യപ്പൻ തുടങ്ങിയവർ മറ്റു പ്രധാന വേഷങ്ങളിൽ എത്തുന്നു. ജേക്സ് ബിജോയിയാണ് ചിത്രത്തിന് വേണ്ടി സംഗീതമൊരുക്കുന്നത്. ശ്രീകർ പ്രസാദാണ് എഡിറ്റിംഗ് നിർവഹിക്കുന്നത്.
ഛായാഗ്രഹണം അസ്ലം പുരയിൽ, മേക്കപ്പ് സജി കൊരട്ടി, വസ്ത്രാലങ്കാരം സുജിത് സുധാകരൻ, ആർട്ട് സിറിൽ കുരുവിള, സ്റ്റിൽസ് രോഹിത്, പ്രൊഡക്ഷൻ കൺട്രോളർ സിദ്ധു പനയ്ക്കൽ, ചീഫ് അസോസിയേറ്റ് ഡയറക്ടർ കെ. സി. രവി, അസോസിയേറ്റ് ഡയറക്ടർ ദിനേഷ് മേനോൻ, ഫർസ്റ്റ് എ. ഡി. അമർ ഹാൻസ്പൽ അസിസ്റ്റന്റ് ഡയറക്ടെഴ്സ് അലക്സ് ആയിരൂർ, ബിനു കെ. നാരായണൻ, സുബീഷ് സുരേന്ദ്രൻ , രഞ്ജിത്ത് മടത്തിൽ.പിആർഒ മഞ്ജു ഗോപിനാഥ്. റോഷൻ ആൻഡ്രൂസ്- ബോബി സഞ്ജയ് കൂട്ടുകെട്ടിലെ ആദ്യ ദുൽഖർ ചിത്രം കൂടിയാണിത്. പുതുവർഷ റിലീസായി എത്തുന്ന ചിത്രം ജനുവരി 14ന് തീയറ്ററുകളിലെത്തും.
Find out more:
click and follow Indiaherald WhatsApp channel