తెలుగు సినిమా ఇండస్ట్రీ లో మంచి గుర్తింపు కలిగిన దర్శకులలో ఒకరు అయినటువంటి వెంకీ అట్లూరి గురించి ప్రత్యేకంగా తెలుగు చని ప్రేమికులకు పరిచయం చేయాల్సిన అవసరం లేదు. ఈ దర్శకుడు మెగా ప్రిన్స్ వరుణ్ తేజ్ హీరోగా రాసి కన్నా హీరోయిన్ గా తెరకెక్కిన తొలి ప్రేమ మూవీ తో దర్శకుడిగా తన కెరీర్ ను మొదలు పెట్టాడు. ఈ మూవీ ని దర్శకుడు వెంకీ అట్లూరి తెరకెక్కించిన విధానం , వరుణ్ తేజ్ మరియు రాశి ఖన్నా లను చూపించిన విధానానికి వెంకి అట్లూరి కి ప్రేక్షకుల నుండి , విమర్శకుల నుండి మంచి ప్రశంసలు లభించాయి. అలాగే తొలి ప్రేమ మూవీ కూడా బాక్స్ ఆఫీస్ దగ్గర మంచి విజయం అందుకుంది. ఆ తర్వాత ఈ దర్శకుడు అఖిల్ హీరోగా మిస్టర్ మజ్ను ... నితిన్ హీరోగా రంగ్ దే మూవీ లను తెరకెక్కించాడు.

మంచి అంచనాల నడుమ విడుదల అయిన ఈ రెండు మూవీ లు కూడా బాక్స్ ఆఫీస్ దగ్గర అపజయం అయ్యాయి. ఇది ఇలా ఉంటే ప్రస్తుతం వెంకి అట్లూరి తమిళ హీరో ధనుష్ తో సార్ అనే మూవీ ని తెరకెక్కిస్తున్నాడు. ఈ మూవీ ని తెలుగు మరియు తమిళ భాషలలో విడుదల చేయనున్నారు. సంయుక్త మీనన్ ఈ మూవీ లో ధనుష్ సరసన హీరోయిన్ గా నటిస్తుంది. ఇలా ఇప్పటికే పలు మూవీ లకు దర్శకత్వం వహించి దర్శకుడు గా మంచి గుర్తింపును తెచ్చుకున్న వెంకి అట్లూరి మరి కొన్ని రోజుల్లో పెళ్లి పీటలు ఎక్కబోతున్నాడు. పూజ అనే అమ్మాయిని ఈ దర్శకుడు పెళ్లి చేసుకోబోతున్నాడు. తాజాగా వీరికి ఎంగేజ్మెంట్ జరిగింది. ఇరు కుటుంబ సభ్యులు మరియు సినిమా ఇండస్ట్రీ కి సంబంధించిన అతి కొద్ది మంది సన్నిహితుల మధ్యలో వెంకీ అట్లూరి ఎంగేజ్మెంట్ జరిగింది. ఈ దర్శకుడు తన నిశ్చితార్థం వేడుకకు సంబంధించిన ఫోటోలను తన సోషల్ మీడియా అకౌంట్ లో పోస్ట్ చేశాడు.

మరింత సమాచారం తెలుసుకోండి:

Venkey atluri

Pulgam Srinivas

12/12/2022 09:56 PM