അഖിലുമായി ചേർത്ത് വന്ന അപവാദം വീട്ടിൽ വലിയ പ്രശ്‌നം ഉണ്ടാക്കി: ബിഗ്ഗ്‌ബോസ് താരം സുചിത്ര! വാനമ്പാടി എന്ന സീരിയലിലെ പത്മിനി എന്ന പപ്പി മോളായിട്ടാണ് സുചിത്ര പ്രേക്ഷക ശ്രദ്ധ നേടിയത്. എന്നാൽ ജനങ്ങൾക്ക് ഇടയിലെ ഒരു സംസാര വിഷയം ആയത് ബിഗ്ഗ് ബോസ് ഷോയ്ക്ക് ശേഷമാണ്. എന്നാൽ ഷോയിൽ നിന്ന് പുറത്തിറങ്ങിയ ശേഷം എല്ലാവരും അഭിമുഖങ്ങളും അനുഭവങ്ങളും എല്ലാം പങ്കുവച്ച് വന്നുവെങ്കിലും സുചിത്രമാത്രം മാധ്യമങ്ങളെ സമീപിച്ചില്ല. എന്തായിരുന്നു അതിന് കാരണം. ബിഹൈന്റ് വുഡിന് നൽകിയ അഭിമുഖത്തിൽ സംസാരിക്കവെ ബിഗ്ഗ് ബോസ് അനുഭവങ്ങളെ കുറിച്ചും അഖിലുമായി വന്ന അപവാദങ്ങളെ കുറിച്ചും തന്റെ പുതിയ സിനിമകളെ കുറിച്ചും എല്ലാം സുചിത്ര സംസാരിക്കുകയുണ്ടിയി. ബിഗ്ഗ് ബോസ് ഷോ കഴിഞ്ഞ് ഏതാണ്ട് ഒരു വർഷം ആയപ്പോഴിതാ സുചിത്ര അഭിമുഖം നൽകിയിരിയ്ക്കുന്നു. ബിഗ്ഗ് ബോസ് ഷോയെ കുറിച്ച് ഒന്നും അറിയാതെ പോയ ആളാണ് ഞാൻ.
മുൻ സീസണുകളിലെ ഏതാനും എവിക്ഷൻ എപ്പിസോഡുകൾ കണ്ടു എന്നല്ലാതെ എനിക്ക് ബിഗ്ഗ് ബോസിനെ കുറിച്ച് ഒന്നും അറിയില്ല. അഭിമുഖം ചെയ്ത ആൾ ചോദിച്ചപ്പോഴും ഞാൻ അത് തന്നെയാണ് പറഞ്ഞത്. എന്താണ് ചെയ്യേണ്ടത് എന്ന് ചോദിച്ചപ്പോൾ, പ്രത്യേകിച്ച് ഒന്നും ചെയ്യേണ്ട. നിങ്ങൾ നിങ്ങളായി നിന്നാൽ മതി എന്നാണ് അവർ പറഞ്ഞത്. പിന്നെ ഫേക്ക് ആയി ചിലർ വരും. അവരോട് വേണമെങ്കിൽ ഫേക്ക് ആകാം എന്ന് പറഞ്ഞു. അതിന് ക്ലാസ് എടുത്ത് തരുമോ എന്നായിരുന്നു ഞാൻ തിരിച്ച് ചോദിച്ചത്. ബിഗ്ഗ് ബോസിനെ കുറിച്ച് അറിയാതെ കയറിയത് കൊണ്ട് പി ആർ എന്താണ് എന്നും എനിക്ക് അറിയില്ല. റിയാസ് ഒക്കെ അകത്ത് വന്നപ്പോഴാണ് പുറത്ത് മുഴുവൻ പി ആർ കളിയാണ്. അതുകൊണ്ട് ചേച്ചിയ്ക്ക് എല്ലാം നല്ല പണി കിട്ടുന്നുണ്ട് എന്ന് അറിഞ്ഞത്. അപ്പോഴും എന്താണ് പി ആർ എന്നും പി ആർ വക്ക് എന്നോ എനിക്ക് അറിയില്ലായിരുന്നു. ഞാൻ എന്താണ് അതിനുള്ളിൽ ചെയ്യുന്നത് എന്ന് എനിക്ക് പോലും അറിയില്ല.
സേഫ് ഗെയിം ആയിരുന്നോ എന്ന് ചോദിച്ചാൽ, മിക്ക ആർട്ടിസ്റ്റുകളും ഒരു പരിധിവരെ സേഫ് ആയിട്ടാണ് കളിക്കുന്നത്. യഥാർത്ഥിൽ ബിഗ്ഗ് ബോസിന് അകത്തുള്ളവർ കഥ അറിയാതെ ആട്ടം കാണുന്ന പൊട്ടന്മാരാണ്. ശരിക്കുള്ള കളി നടക്കുന്നത് പുറത്താണ്. ഇവിടെ ആടിനെ പട്ടിയാക്കും. പാട്ടിയെ ആടും ആക്കും. പക്ഷെ അതിന് ബിഗ്ഗ് ബോസ് ഷോയ്ക്ക് പങ്കുണ്ട് എന്ന് ഞാൻ കരുതുന്നില്ല. നൂറ് ശതമാനം ജെനുവിൻ ആയ ഷോ ആണ് ബിഗ്ഗ് ബോസ്. അവർക്ക് കണ്ടന്റുള്ളത് മാത്രമാണ് അവർ പുറത്ത് വിടുന്നത്. എന്റെയൊക്കെ സംസാരത്തിൽ ഒന്നും ഇല്ലാത്തത് കൊണ്ട് അവർ എല്ലാം കണിച്ചിട്ടുണ്ടാവില്ല എന്ന് മാത്രം. ബിഗ്ഗ് ബോസിന് ശേഷം പുറത്തിറങ്ങിയപ്പോൾ എനിക്ക് സ്ഥിതിഗതികൾ ഏറെ കുറേ മനസ്സിലായി. അഖിലുമായി ചേർത്ത് വന്ന അപവാദ പ്രചരണം നല്ല രീതിയിൽ വീട്ടിലും കുടുംബത്തിലും പ്രശ്‌നം ഉണ്ടാക്കിയിരുന്നു. ഞാൻ ഇറങ്ങുന്നതിന് കുറച്ച് ദിവനം മുൻപേ അവർക്ക് പുറത്തിറങ്ങാനും സംസാരിക്കാനും കഴിയുന്നുണ്ടായിരുന്നില്ല.
ഞാൻ എന്ത് പറഞ്ഞാലും നെഗറ്റീവ് ആയ രീതിയിൽ എടുക്കാൻ തുടങ്ങി എന്ന് എനിക്ക് മനസ്സിലായത് കൊണ്ടാണ് അഭിമുഖം നൽകാതിരുന്നത്. അഖിലും ഞാനും നല്ല സുഹൃത്തുക്കളാണ്. അത് ബിഗ്ഗ് ബോസ് ഷോയ്ക്ക് അകത്ത് വച്ചും പുറത്ത് വച്ചും. അതിന് ഞങ്ങൾ ഒരുമിച്ച് എവിടെ പോയാലും മറ്റൊരു അർത്ഥം നൽകുന്നത് എന്തിനാണ്. അമ്പലത്തിൽ പോയപ്പോൾ കല്യാണം കഴിച്ചു എന്ന്. തുടക്കത്തിലൊക്കെ വലിയ പ്രശ്‌നമായി തോന്നിയിരുന്നു. പിന്നീട് അത് മൈന്റ് ചെയ്യാതെയായി. ഇപ്പോൾ കുറച്ച് നല്ല കമന്റുകൾ എല്ലാം വരുന്നുണ്ട്. ബിഗ്ഗ് ബോസിന് അകത്ത് പല ബന്ധങ്ങളും ഫേക്ക് ആയിരുന്നല്ലോ, നിങ്ങൾ മാത്രം ആ സൗഹൃദം സൂക്ഷിക്കുന്നുണ്ടല്ലോ എന്ന് പറഞ്ഞ്.ഞങ്ങൾ സീസൺ ഫോറിലെ എല്ലാവരും തമ്മിൽ കോണ്ടാക്ട് ഉണ്ട്. അഖിലും സൂരജും മാത്രമല്ല, ധന്യ, ജാസ്മിൻ, നിമിഷ, ജാനകി, ശാലിനി, ദിൽഷ എല്ലാവരും. ബ്ലെസ്ലിയും റോബിനും ആയിട്ടാണ് തീരെ ബന്ധം ഇല്ലാത്തത്.
ബ്ലെസ്ലി ഇടയ്ക്ക് ഒരിക്കൽ വിളിച്ചിരുന്നു. എന്നാൽ റോബിൻ വിവാഹ നിശ്ചയത്തിന് ഒ്ന്നും ഞങ്ങളെ ആരെയും ക്ഷണിച്ചിരുന്നില്ല. വിളിക്കാറും ഇല്ല. ബിഗ്ഗ് ബോസിന് ശേഷം ജീവിതത്തിൽ നല്ലത് മാത്രമാണ്. ആഗ്രഹിച്ചത് പോലെ സിനിമകൾ വന്നു തുടങ്ങി. മലയ്‌ക്കോട്ടെ വാലിഭനാണ് ഇപ്പോൾ ചെയ്ത സിനിമ. ലിജോ ജോസ് പെല്ലിശ്ശേരി സർ സംവിധാനം ചെയ്യുന്ന മോഹൻലാൽ സർ ചിത്രത്തിൽ ചെറിയൊരു റോൾ ചെയ്യാനുള്ള ഭാഗ്യം കിട്ടി. എല്ലാ സീനും ലാലേട്ടന് ഒപ്പം തന്നെയാണ്. ബിഗ്ഗ് ബോസ് കണ്ടിട്ട് തന്നെയാണ് എനിക്ക് ക്ഷണം വന്നത്. കല്യാണത്തിന് വീട്ടിൽ നിർബന്ധിയ്ക്കുന്നുണ്ട്. ഇപ്പോൾ പറഞ്ഞ് പറഞ്ഞ് അവർ മടുത്തു. വാനമ്പാടി കഴിയട്ടെ എന്നായിരുന്നു ഞാൻ ആദ്യം പറഞ്ഞിരുന്നത്. പിന്നെ ബിഗ്ഗ് ബോസ് കഴിയട്ടെ എന്നായി. അത് കഴിഞ്ഞ് ഒരു സിനിമയെങ്കിലും ചെയ്യട്ടെ എന്ന് പറഞ്ഞു. ഇനി ഇപ്പോൾ സിനിമകൾ വരുന്നത് കൊണ്ട് അത് ഒന്ന് നോക്കട്ടെ എന്ന് പറഞ്ഞിരിയ്ക്കുകയാണ്.
Find out more:
click and follow Indiaherald WhatsApp channel