టాలీవుడ్ స్టార్ హీరో అల్లు అర్జున్‌కు జాతీయ ఉత్తమ నటుడు అవార్డు తెచ్చిపెట్టి టాలీవుడ్ చరిత్రను తిరగ రాసింది పుష్ప పార్ట్ 1 సినిమా. అందుకే ప్రస్తుతం సెకండ్ పార్ట్‌ను కూడా అంతకుమించి అనేలా తెరకెక్కిస్తున్నాడు డైరెక్టర్ సుకుమార్. మైత్రీ మూవీ మేకర్స్ వారు భారీ బడ్జెట్‌తో ఈ మూవీని పాన్ ఇండియా లెవెల్ లో నిర్మిస్తున్నారు. పాన్ ఇండియా లెవెల్లో భారీ హైప్‌తో వస్తున్న ఈ మూవీ కోసం బన్నీ ఫ్యాన్స్ ఎంతో ఈగర్‌గా వెయిట్ చేస్తున్నారు. లేటెస్ట్‌గా రిలీజ్ అయిన ఈ మూవీ ఫస్ట్ సాంగ్‌కు అదిరిపోయే రెస్పాన్స్ వస్తోంది.కేవలం 24 గంటల్లో ప్రపంచ వ్యాప్తంగా అత్యధిక మంది చూసిన సాంగ్‌గా నిలిచింది పుష్ప.. పుష్ప సాంగ్. అలాగే.. 24 గంటల్లో అన్ని భాషల్లో కలిపి 40 మిలియన్స్ వ్యూస్, 1 మిలియన్‌కు పైగా లైక్స్ సొంతం చేసుకుంది. ప్రస్తుతం ఈ సాంగ్ యూట్యూబ్‌ని ప్రస్తుతం షేక్ చేస్తోంది.


టాలీవుడ్ లో మొదటి 24 గంటల్లో ఒక్క మహేష్ బాబు రికార్డ్స్ ని తప్ప అన్ని రికార్డ్స్ ని బద్ధలు కొట్టింది.పుష్ప పుష్ప లిరికల్‌ సాంగ్‌ని మొత్తం 6 భాషల్లో రిలీజ్ చేయగా.. ప్రస్తుతం ఇండియాలోనే ఫాస్టెస్ట్ 50 మిలియన్ వ్యూస్ రాబట్టి రికార్డ్ క్రియేట్ చేసింది. అలాగే 100కె+ రీల్స్‌తో సోషల్ మీడియాను కూడా షేక్ చేస్తోంది. సోషల్ మీడియాలో ఎక్కడ చూసినా కూడా పుష్పగాడి స్టెప్పులే కనిపిస్తున్నాయి.ముఖ్యంగా బాలీవుడ్‌లో ఈ పాటకి సెన్సేషనల్ రెస్పాన్స్ వస్తోంది. వ్యూస్ పరంగా హిందీ వెర్షన్ కూడ దుమ్ముదులిపేస్తోంది. పుష్ప పార్ట్ 1 తెలుగులో కంటే హిందీలోనే బాగా సూపర్ హిట్ అయింది. దీంతో పార్ట్ 2 కోసం నార్త్ ఆడియెన్స్ ఎంతో ఈగర్‌గా వెయిట్ చేస్తున్నారు. అందుకు నిదర్శనమే ఫస్ట్ సాంగ్‌కు వచ్చిన రెస్పాన్స్ అని ఖచ్చితంగా చెప్పొచ్చు. అయితే తమిళంలో మాత్రం పుష్ప పాటకి సరైన రెస్పాన్స్ రావట్లేదు. అక్కడ కేవలం 1 మిలియన్ వ్యూస్ మాత్రమే వచ్చాయి.ఇక ఈ సినిమాకు దేవిశ్రీ ప్రసాద్ సంగీతం అందిస్తుండగా.. రష్మక మందన్న హీరోయిన్‌గా నటిస్తోంది. ఆగష్టు 15న పుష్ప2 రిలీజ్ కానుంది. మరి ఈసారి పుష్పగాడు ఎలాంటి హిట్ కొడతాడో చూడాలి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Allu Arjun

Purushottham Vinay

05/05/2024 05:50 PM